Jeńimpazdar quramynda qazaqstandyq "Barystyń" shabýylshysy Tomash Iýrcho da boldy
20 aqpanda Beıjińdegi Qysqy olımpıada oıyndarynda hokeıshiler aqtyq synda óner kórsetti, altyn medal úshin Reseı men Fınlándıa quramalary talasty, dep habarlaıdy Almaty-akshamy.kz Zakon.kz-ke silteme jasap.
Birinshi bolyp reseılik hokeıshiler esep ashty. Segizinshi mınýtta olar oıynshylar sanyndaǵy artyqshylyqty paıdalanyp ketti.
Mıhaıl Grıgorenkonyń dál soqqan shaıbasy qarsy komandanyń qaqpasynan tabyldy. Fın quramasy Vılla Pokkanyń golynyń arqasynda ekinshi kezeńniń basynda esepti teńestirdi.
Fın komandasynyń shabýylshysy Hannes Bornınen úshinshi kezeńniń birinshi mınýtynda sheshýshi gol soqty, esep - 2:1. Osylaısha fınder tarıhta alǵash ret Olımpıadanyń basty jeńimpazy atandy.
2022 jylǵy qysqy Olımpıada oıyndarynyń qola júldesi úshin ótken machta Slovakıa quramasy 17 jasar Iýraı Slafkovskııdiń dýbliniń arqasynda Shvesıa quramasyn 4:0 esebimen utyp ketti. Taǵy bir-bir shaıbadan Samýel Takach pen Pavol Regenda gol saldy.
Jeńimpazdar quramynda qazaqstandyq "Barystyń" shabýylshysy Tomash Iýrcho da boldy. Slovaktar óz tarıhynda alǵash ret Olımpıada oıyndarynyń medalymen marapattaldy.