Pasıent kindik qanynyń baǵanaly jasýshalarymen jasalǵan terapıadan soń saýyqqan
Ǵalymdar álemde úshinshi adamnyń AITV-dan emdelip shyqqanyn málimdedi, dep habarlaıdy Almaty-akshamy.kz Lenta.ru saıtyna silteme jasap.
AQSH-taǵy JITS-ti halyqaralyq klınıkalyq zertteý jelisiniń ǵalymdary úshinshi pasıent dertinen qulan-taza aıyqty dep otyr. Orta jastaǵy áıel adam qan obyrynyń eksperımenttik terapıasynan keıin arada tórt jyl ótkende vırýsty jeńip shyqqan.
Buǵan deıin súıek tinin transplantasıalaǵannan keıin AITV tolyq remısıasynyń dáleldengen eki jaǵdaıy belgili bolatyn. Joǵary eksperımenttik emdeýdiń aldyn ala nátıjesi bıyl Denverde ótken ǵylymı konferensıasy barysynda tanystyryldy. Alaıda ol týraly áli resenzıa jasaıtyn ǵylymı jýrnaldarǵa jarıalanyp úlgermegen.
Belgili bolǵandaı, pasıent kindik qanynyń baǵanaly jasýshalarymen jasalǵan terapıadan soń saýyqqan.
Kindik qanynan alynǵan baǵanaly jasýshalardyń ornyǵyp, jańa qan jasýshalaryn óndirýi úshin birneshe apta qajet kórinedi. Alaıda AITV qorǵanys leıkosıtteriniń bólinýi bastalǵanǵa deıin olarǵa «shabýyl» jasaýy múmkin. Sol úshin ǵalymdar baǵanaly jasýshany aýystyrmas buryn qan toby sáıkes keletin týysynyń qanyn quıyp, transplantatqa vırýsqa qarsy ýaqytsha qorǵanys bergen.
Odan bólek, sharanadaǵy DNQ jasýshasynda CCR5 geniniń eki kóshirmesinde de delta-32 mýtasıasy bolǵan. Bul gen C-C-reseptor hemokın 5 S-S-reseptorynyń aqýyzyn kodtaıdy. Sonyń kómegimen AITV ımýndyq T-jasýshalarǵa qosylyp, ishke enedi. Al delta-32 mýtasıasy ony boldyrmaıdy. Mundaı mýtasıasy bar adamdar AITV-ty qabyldamaıdy dep otyr mamandar.