Ol aralas jekpe-jekten asa aýyr salmaqta álemniń birneshe dúrkin chempıony
Aralas jekpe-jekten Reseıdiń tanymal sportshysy Fedor Emelánenko Qazaqtyń sport jáne týrızm akademıasyna baryp, stýdenttermen kezdesý ótkizdi, dep habarlaıdy almaty-akshamy.kz.
Basqosý barysynda ol stýdentterdi qyzyqtyrǵan saýaldarǵa jaýap berdi. Al akademıa rektory Baýyrjan Qaıratuly Fedor Emelánenkoǵa «Qurmetti profesor» ataǵyn saltanatty túrde tabys etti.
MMA sheberi qonaqjaılylyq tanytqan almatylyqtar alǵysyn jetkizdi.
«Meni keremet kútip aldy, qazaq jankúıerleriniń mahabbatyn sezindim. Almatyǵa birinshi ret keldim, adamdaryna da, qalaǵa da tánti boldym. Qudaı qalasa, taǵy kelemin dep úmittenemin», - dedi Emelánenko.
Fedor Emelánenko – aralas jekpe-jekten asa aýyr salmaqta túrli dıvızıon boıynsha álemniń birneshe dúrkin chempıony. Ol 47 jekpe-jek ótkizip, sonyń 40-da jeńiske jetken.