Psıhıatr-dáriger Aleksandr Mesherákov jadty jattyqtyrýǵa kómektesetin úsh jattyǵýdy aıtty. Sonyń biri - "este saqtaý saraıy", ony Artýr Konan Doıldiń qıalynan týǵan danyshpan detektıv Sherlok Holms ta qoldanǵan. Dárigerdiń aıtýynsha, bul ádis óte tıimdi, - dep habarlaıdy aqshamnews.kz tilshisi "Doktor Pıterge" silteme jasap.
"Ózińizge jaqsy tanys oryndy (páterińizdi, jumysqa baratyn joldy) elestetińiz. Este saqtaý kerek derekterdi oısha sol "saraıǵa" ornalastyryńyz. Qaıta eske túsirý kerek bolǵanda, osy "saraıyńyzǵa" kirip, oısha bir aınalyp ótińiz", - dep jazdy maman óziniń telegram-arnasynda.
"Este saqtaý saraıy"
"Este saqtaý saraıy" ádisiniń shynymen paıdaly ekeni nıderlandtyq ǵalymdardyń zertteýimen de rastaldy. Olar eki tájirıbe júrgizdi.
Birinshisine jedel jattaý boıynsha álemdik jarystarǵa qatysqan 17 "chempıon" jáne olarǵa jasy men ıntellekt deńgeıi boıynsha sáıkes keletin 16 qarapaıym adam kirdi. Ekinshi tájirıbede buryn este saqtaý ádisterine úırenbegen 50 adam qatysty. Olardy shamamen teń úsh topqa bóldi: birinshisi bir jarym aı boıy "este saqtaý saraıyn" qoldandy, ekinshisi basqa bir ádisti úırendi, úshinshisi múlde jattyqqan joq.
Keıin barlyǵyna synaq jasaldy: uzyn sózder tizimin retimen jattap, keıin ony qaıtadan retimen aıtyp berý kerek edi. "Este saqtaý saraıyn" qoldanǵandar jaqsy nátıje kórsetti: olar 20 mınýttan keıin de, bir táýlikten keıin de kóbirek sózdi eske túsirdi. Tórt aı ótkennen soń tekseriste de uqsas nátıje alyndy: bul top orta eseppen 50 sózdi qaıta aıtty, al qalǵan eki topta - tıisinshe 30 jáne 27 sóz boldy.
Psıhıatr Mesherákov shynymen jumys isteıtin 5 quraldy atady:
Jad úshin paıdaly taǵy eki jattyǵý
- Baqylaý
Kez kelgen zatty tańdańyz. 2–3 mınýt boıy onyń pishinin, túsin, tekstýrasyn, ıisin, jaryqtyń shaǵylýyn muqıat zertteńiz.
Sosyn kózińizdi jumyp, sol zatty búge-shigesine deıin oısha elestetińiz.
Mesherákovtyń aıtýynsha, bul - zeıin praktıkasynan alynǵan jattyǵý, ol nazar aýdarýdy, jadty óte jaqsy jattyqtyryp, stresti tómendetedi.
- Dosyńa qaıta aıtyp berý
Maqalany, kitaptyń bólimin nemese basqa aqparatty oqyńyz.
Keıin negizgi oıdy oısha qıaldaǵy adamǵa barynsha túsinikti ári qyzyq etip "qaıta aıtyp" berińiz.
Psıhıatrdyń aıtýynsha, bul tehnıka mıǵa jattalǵan sózderdi jaı qaıtalaýǵa emes, aqparatty qaıta qurylymdaýǵa májbúr etedi.