Qaraǵandyda esirtki taratqan sheteldikter ustaldy.
Qaraǵandy qalasynda "Qarasora – 2025" respýblıkalyq jedel aldyn alý is-sharasy aıasynda esirtki qylmysyna qarsy is-qımyl tobynyń qyzmetkerleri iri operasıa ótkizdi, - dep habarlaıdy Aqshamnews.kz.
Nátıjesinde esirtki taratqan eki shetel azamaty ustaldy. Operasıa kezinde 29 jáne 39 jastaǵy er adamdar qala kósheleriniń birinde qolǵa tústi. Tintý barysynda úlkeninen árqaısysy shamamen 0,5 gram bolatyn quramynda A-PVP bolýy múmkin 11 túıinshek, sondaı-aq qosymsha 0,5 jáne 1 gramdyq 11 túıinshek tabylyp, tárkilendi. Al ekinshi kúdiktiden telefon tekserý kezinde kýratormen jazysqan hattar men esirtki jasyrylǵan oryndardyń fotosýretteri anyqtaldy.
Kórsetilgen mekenjaılarǵa tekserý júrgizý nátıjesinde quramynda uqsas zat bar 16 túıinshek tabyldy. Kúdiktilerdiń turǵylyqty jerinen júrgizilgen tintý barysynda aldyn ala mefedron dep anyqtalǵan, salmaǵy 0,5 gram bir túıinshek tárkilendi. Ustalǵan azamattarǵa qatysty qylmystyq is qozǵaldy. Tergeý barysynda olar jasaǵan is-áreketterin moıyndady. Barlyq tárkilengen zat saraptamaǵa jiberilip, olardyń naqty quramy men salmaǵy anyqtalatyn bolady. Qazirgi tańda kúdiktiler ýaqytsha ustaý ızolátoryna qamaldy.