Jetisý oblysynda "Qarasora - 2025" jedel aldyn alý is-sharasy aıasynda polısıa qyzmetkerleri esirtki tasymaldaý jáne ótkizýmen aınalysqan qylmystyq toptyń jolyn kesti, - dep habarlaıdy Aqshamnews.kz.
Jedel túrde Almaty qalasynan jetkizý tizbegi anyqtaldy. Almaty – Óskemen avtojolynda polıseıler 65 jastaǵy er adam men onyń Toyota kóligin tizgindegen 29 jastaǵy ulyn ustady. Avtokóliktiń salonynan 19 keli marıhýana tárkilendi. Tergeý barysynda kúdiktiniń uly esirtkini Jambyl oblysynyń 29 jastaǵy turǵynynan alǵanyn aıtty. Keıingi sharalar barysynda kúdiktiniń 66 jastaǵy jubaıy da anyqtaldy. Ol telefon arqyly kúıeýi men ulynyń is-áreketin úılestirip, Almaty men Jetisýǵa esirtki jetkizip otyrǵan. Onyń turǵylyqty jerinen taǵy 1 keli marıhýana tabyldy. Oblystyq prokýratýramen birlesken is-qımyl nátıjesinde oblys aýmaǵynda jetkizýdi uıymdastyrǵan kúdikti ustaldy.
Jambyl oblysyndaǵy onyń qojalyǵynan 10 keliden astam keptirilgen marıhýana tárkilendi. Barlyq qatysýshy qamaýǵa alyndy, sotqa deıingi tergeý jalǵasýda. Polısıa esirtkini zańsyz satyp alý, saqtaý jáne ótkizý úshin 7 jyldan 12 jylǵa deıin bas bostandyǵynan aıyrý jazasy jáne múlkin tárkileý kózdelgenin eske salady.