QR Sý resýrstary jáne Irrıgasıa mınıstrligi Qytaımen sý bólý máselesi boıynsha kelissózder júrgizýde
Sý resýrstary jáne ırrıgasıa mınıstrligi Qytaımen 20-dan astam ózen boıynsha kelissóz júrgizip jatyr. Onyń ishinde úsh iri transshekaralyq ózen: Ertis, İle jáne Emel bar.
Búgingi tańda qos memleket arasynda sý bólý máselesi boıynsha arnaıy jumys toby qurylǵan. Qazaqstannyń múddesin jumys tobyna kiretin 20 adam qorǵaıdy.
Búginde taraptar sý bólý máselesi boıynsha kelisimniń birqatar baptary boıynsha ortaq sheshimge keldi.
«Qazaqstan men Qytaıǵa ortaq Qorǵas ózeni bar. Eki memleketti bólip aǵatyn ózenniń boıynda Qytaımen birlesip ortaq gıdrotehnıkalyq nysan saldyq. Onyń jumysy 100% avtomattandyrylǵan jáne shlúzderi sý shekara syzyǵynyń eki jaǵyna birdeı aǵatyndaı etip jasalǵan. Bir tarap shlúzdi kóbirek nemese azyraq ashqysy kelse, ekinshi jaǵyna da avtomatty túrde týra sondaı kólemde sý aǵady. Osyndaı úlgide Súmbe ózeniniń boıynadaǵy nysanǵa rekonstrýksıa jasaldy. Kelesi kezekte Shyǵys Qazaqstan oblysynda Úlken Ulasty degen ózende de eki tarapqa ortaq nysan salý týraly kelisim bar»,- dedi sý resýrstary jáne ırrıgasıa mınıstri Nurjan Nurjigitov.