Aýdan ekonomıkalyq turǵydan damyǵan.
Túrksib aýdany qalanyń ónerkásiptik jáne kóliktik-logıstıkalyq haby bolyp qalyptasqan. Ol Almatynyń ónerkásip kóleminiń tórtten bir bóligin (24,4%) quraıdy. Bul týraly Almaty qalasy ákimi Erbolat Dosaev turǵyndarmen kezdesý barysynda aıtty, dep habarlaıdy Almaty-akshamy.kz.
«Túrksib aýdany Almatynyń ónerkásip kóleminiń tórtten bir bóligin (24,4%) quraıdy jáne jyl saıyn 7 mln. jýyq adamdy áýe kóligimen tasymaldaýdy qamtamasyz etedi. Aýdan ekonomıkalyq turǵydan damyǵan. Aǵymdaǵy jyldyń 5 aıynyń qorytyndysy boıynsha, ónerkásipte (+31,6%), ınvestısıa tartýda (+34,8%) oń dınamıka baıqalady. Qurylys jumystarynyń kólemi 2 ese ulǵaıdy», – dedi Dosaev.
Sonymen qatar qala ákimi Túrksib aýdanynda 8 myńnan astam bıznes sýbektisi jumys isteıtinin aıtty.
«Aýdanda 8 myńnan astam bıznes sýbektisi jumys isteıdi. Onda 47 myńǵa jýyq adam nemese aýdannyń eńbekke qabiletti halqynyń úshten bir bóligi eńbek etedi.Degenmen, Túrksib aýdanynda ınjenerlik jáne turǵyn úı ınfraqurylymy joǵary deńgeıde tozǵan. Jylýmen, sýmen jabdyqtaý jáne sý burý jelilerin jańartý, turǵyn úı qoryn renovasıalaý (594 eski úı), abattandyrý jáne áleýmettik ınfraqurylymdy damytý qajet», – dedi ol.