1 mln aǵash otyrǵyzý boıynsha «Jasyl Almaty» baǵdarlamasy jalǵasatyn bolady.
Memleket basshysynyń qatysýmen ótken Úkimettiń keńeıtilgen otyrysynda Almaty ákimi Erbolat Dosaev qala halqynyń ómir sapasyn arttyrý men áleýmettik ınfraqurylymdy damytý jumystyń basymdyq berilgen baǵyty ekenin atap ótti, dep habarlaıdy Almaty-akshamy.kz
Qalanyń ekologıalyq jaǵdaıyn jaqsartý almatylyqtardyń ómir sapasyn qamtamasyz etýdiń mańyzdy maqsattarynyń biri jáne olardyń kóńil-kúıine áser etedi. Memleket basshysynyń qatysýymen ótken Úkimettiń keńeıtilgen otyrysynda Almaty ákimi Erbolat Dosaev qala turǵyndarynyń ómir súrý sapasyn arttyrýǵa baǵyttalǵan mindetterdi júzege asyrý boıynsha josparlanǵan sharalar týraly aıtty.
Mamandardyń bergen baǵasy boıynsha, 2021 jyly lastanýdyń negizgi kózi kólikter - 56%, JEO jáne óndiristik kásiporyndar - 39%, jeke turǵyn úı sektory - 5%.
«Búginde qalada 2441 birlik qoǵamdyq kólik parki bar, tek 15 elektrli avtobýs bar. Qoǵamdyq kólikti odan ári damytý jyljymaly quramnyń ekologıalyq túrlerin satyp alýǵa ǵana baǵyttalatyn bolady. Birinshi toqsanda gazben júretin qoǵamdyq kóliktiń 300 birligin satyp alý josparlanýda, bul ekologıalyq taza kóliktiń úlesin 30% - dan 37,4% - ǵa deıin arttyrady», - dedi megapolıs ákimi.
Erbolat Dosaev sondaı-aq 1 mln.aǵash otyrǵyzý boıynsha «Jasyl Almaty» baǵdarlamasyn iske asyrý óz jalǵasyn tabatynyn atap ótti. Bıyl 300 myńnan astam kóshet otyrǵyzý josparlanǵan. Sondaı-aq, aǵymdaǵy jyly granttar esebinen aýanyń sapalyq quramyn ózgertý boıynsha 60 aspap ornatylady. Ólsheýler men olarǵa taldaý júrgizilgennen keıin ABR men AirVision QQ tarta otyryp, aýa sapasyn jaqsartý boıynsha jospar ázirlenetin bolady.