«Iangı Ўzbekıston» basylymynyń málimetine súıene otyryp, júregi 3 ret aýyrǵan qart azamat keles kesirtkesiniń (keles kesirtkesi nemese varandar Qyzyl kitapqa engen) eti men terisi dertke em ekenin estip, olardy aýlaýǵa kirisken, dep habarlaıdy almaty-akshamy.kz.
Dala kezip, shoǵyrlanyp jatqan 14 kesirtkeniń basynan uryp, olardy shala-jansar kúıinde úıine ákelgen. Bul «ańshynyń» birinshi oljasy, kelesi joly ol 18 keles kesirtkesin aýlaǵan kórinedi.
Aýrýdyń daýasyn tabý úshin ózi aýlaǵan keles kesirtkesin soıyp, pisirip jegen.
Er adam 32 keles kesirtkesiniń 12-sin soıyp, eti men terisin jep, qalǵan 20-syn keıin tutyný úshin úıinde saqtaǵan.
Sot er adamdy 3 jylǵa bas bostandyǵynan aıyrý jazasyna kesip, Ekologıa mınıstrliginiń paıdasyna 141 mıllıon 900 myń sým (5 533 109 teńge) óndirýge úkim shyǵardy.
Aıta ketý kerek, sońǵy jyldary em izdep, kirpi aýlap ketkender kezdesip edi. Sonymen qatar, emine daýa izdegender esek sútin de ishkeni týraly aqparat taraǵan bolatyn.