Qaraǵandy oblystyq máslıhatynyń depýtaty, áleýmettik-mádenı damý jáne áleýmettik qorǵaý jónindegi turaqty komısıanyń tóraıymy Qadısha Ospanova energetıkalyq tapshylyqtyń ózekti másele ekenin atap ótti.
Onyń aıtýynsha, Qaraǵandy oblysynda jańa ónerkásiptik kásiporyndar, «Saryarqa» arnaıy ekonomıkalyq aımaǵy jáne «Saran» ındýstrıaldy aımaǵy qurylysy qarqyndy damyp, energıaǵa degen suranys artyp keledi. Sonymen qatar, turǵyn úıler, mektepter, aýrýhanalar men sport keshenderi de turaqty energıamen qamtýdy qajet etedi. Alaıda, jylý elektr stansalary men jel jáne kún energetıkasy bul qajettilikterdi tolyq qanaǵattandyra almaıdy.
Ospanova atom elektr stansıasy salý máselesiniń oryndy ekenin aıta kele, medısınalyq qyzmetker retinde AES-tiń qaýipsizdigi men jumysshylardyń densaýlyǵy qalaı qamtamasyz etiletinin erekshe qyzyǵýshylyqpen surady.
Ulttyq ıadrolyq ortalyqtyń bas dırektory Erlan Batyrbekov zamanaýı reaktorlardyń qaýipsizdigi joǵary ekenin, olardyń radıasıanyń taralýyn boldyrmaıtyn kóp deńgeıli qorǵanys júıelerimen jabdyqtalǵanyn aıtty. Onyń aıtýynsha, aýyr apattyń yqtımaldyǵy óte tómen – 10 mıllıon jylda bir jaǵdaı bolýy múmkin.
Depýtat AES-tiń sanıtarlyq-qorǵaý aımaǵy óndiristik alańmen ǵana shektelmeıtinin, qorǵanys sharalary birneshe kılometrge deıingi aýmaqty qamtıtynyn qosa aıtty.