Mindetti aýdarymdar tek jumysshylarǵa ǵana emes, óz betinshe jumys isteıtinderge, jeke tájirıbesi bar tulǵalarǵa jáne platformalyq jumyspen aınalysatyndarǵa da qoldanylady, dep habarlaıdy aqshamnews.kz
Eger qaryz bes kún ishinde ótelmese, banktik shottaǵy aqsha qozǵalysy shektelýi múmkin.
Úkimet zeınetaqy aýdarymdarynyń eseptelý jáne aýdarylý tártibin retteıtin birneshe sheshimge ózgerister engizdi. Bul ózgerister Áleýmettik jáne Salyq kodeksterine sáıkes normalardy jańartý, sondaı-aq zeınetaqy júıesin jańa jumys formalaryna beıimdeý maqsatynda jasaldy.
Ózgerister jumys berýshilerge, óz betinshe jumys isteıtinderge, jeke tájirıbesi bar tulǵalarǵa jáne jeke kásipkerlerge qatysty. Jańa erejeler 2026 jylǵy 1 qańtardan bastap qoldanysqa engiziledi.
Premer-mınıstr Oljas Bektenovtiń qol qoıǵan postanovlenıesine sáıkes, endi mindetti kásibı zeınetaqy aýdarymdary (MKZA) qyzmetkerlerdiń Nalog kodeksinde kórsetilgen barlyq aılyq tabystarynan esepteledi.
Arnaıy salyq rejımin qoldanatyn jeke tulǵalar úshin (ózin-ózi jumyspen qamtyǵandar) Biryńǵaı jınaqtaýshy zeınetaqy qoryna aýdarymdar ózderi tarapynan eseptelip, ár aıdyń 25-ine deıin tólenýge tıis.
"Jeke tájirıbesi bar tulǵalar, Áleýmettik kodekstiń 101-1-babynda kórsetilgen jeke tulǵalar, sondaı-aq jeke kásipkerler mindetti zeınetaqy aýdarymdaryn esepteý úshin tabys kólemin ózderi anyqtaıdy. Ol Áleýmettik kodekstiń 249-babynyń 1-tarmaǵynyń 2) tarmaqshasynda kórsetilgen shekten aspaýy tıis, biraq Salyq kodeksi boıynsha esepteletin tabystan artyq bolmaýy qajet (aı saıynǵy tabys eń tómengi jalaqynyń 50 esesinen aspaýy tıis)", – delingen qujatta.
Eger zeınetaqy nemese kásibı aýdarym boıynsha qaryz alty aılyq eseptik kórsetkishten (AEK) asyp ketse, salyq organdary tóleýshige eskertý joldaıdy. Qaryz 10 jumys kúni ishinde ótelmese, banktik shottar boıynsha shyǵys operasıalary toqtatylýy múmkin. Sol ýaqytta tek búdjetke tólemder, salyqtar, áleýmettik aýdarymdar, aıyppuldar men sanksıalar tólenýi múmkin bolady.
Sonymen qatar ózgerister mindetti zeınetaqy aýdarymdaryna (MZA) da qatysty. 2026 jyldan bastap olardy tek dástúrli qyzmetkerler ǵana emes, sonymen qatar:
• jeke tájirıbesi barlar;
• arnaıy salyq rejımin qoldanatyn ózin-ózi jumyspen qamtyǵandar;
• ınternet-platformalar men mobıldi qosymshalar arqyly qyzmet kórsetetinder (platformalyq jumyspen aınalysatyndar) da tóleýi tıis. (MZA tóleý agenti retinde operator qyzmet atqarady).