Fılm úsh jyl boıy Almaty, Túrkistan oblysy, Aqtaý jáne Taılandta túsirildi
Ulttyq kınony qoldaý memlekettik ortalyǵynyń qoldaýymen Mádenıet jáne sport mınıstrliginiń tapsyrysy boıynsha túsirilgen rejıser Emır Baıǵazınniń «Ómir» fılmi Qazaqstannyń Oskar komıtetiniń sheshimimen amerıkalyq «Oskar» kınoakademıasynyń syılyǵyna «Shet tilindegi úzdik fılm» nomınasıasynda usynyldy, dep habarlaıdy Almaty-akshamy.kz.
Baıǵazınniń jańa kartınasynyń álemdik premerasy osy kúnderi ótip jatqan bedeldi Toronto kınofestıvaliniń «Zamanaýı álemdik kıno» seksıasynda oryn aldy.
Fılm úsh jyl boıy Almaty, Túrkistan oblysy, Aqtaý jáne Taılandta túsirildi. Kartına taǵdyrlary qıylysyp, bir kaleıdoskopty quraıtyn adamdardyń arasynda júrip, túrli oqıǵalar tizbegine tap bolatyn keıipker týraly baıandaıdy.
Basty róldi Erkebulan Tasynov somdaǵan. Baıǵazınniń ózi jobada senarı avtory, rejıser, operator jáne prodúser boldy.
«Bul fılmniń ıdeıasy maǵan on jyl buryn alǵashqy kartınamdy túsirýge daıyndalyp jatqanda keldi. Keıipkerdiń basyna túsken qıyndyqtarǵa qaramastan, men árqashan bul oqıǵany ómirge degen mahabbatqa toly dep sanaıtynmyn», - dedi rejıser.
Emır Baıǵazın 2013 jyly ár túrli festıválderde 25-ten astam marapattarǵa ıe bolǵan «Ýrokı garmonıı» kartınasymen álemdik kıno alańyna shyqty. Sol jetistikterdiń arasynda Qazaqstannyń alǵashqy alǵan Berlın kınofestıvaliniń «Kúmis aıýy» da bar. Keıin rejıserdiń «Ranenyı angel» men «Ózen» fılmderi shyqty, batys jurtshylyǵy ony jyly qabyldady. «Ózen» fılminiń álemdik premerasy 75-shi Venesıa kınofestıvalinde «Kókjıekter» baǵdarlamasynda kórsetildi, onda Emır «Úzdik rejıser» retinde marapattaldy.
95-shi ret beriletin Amerıkalyq kınoakademıa syılyǵyna úmitkerlerdiń tizimi 2023 jylǵy 24 qańtarda jarıalanady. Rásimniń ózi 2023 jylǵy 12 naýryzda ótedi.