20 qyrkúıek kúni Almatydaǵy «Alataý» dástúrli óner teatrynda belgili kompozıtor, akter, mádenıet qaıratkeri Qadyrǵalı Kóbentaıdyń «Qolymnan ne keledi?» atty shyǵarmashylyq keshi ótedi dep habarlaıdy Almaty-akshamy.kz.
Keshte Meırambek Besbaev, Erkin Shúkiman, Asqar Naımantaev, Shahızada, Almat Saqatov, Nurjan Tutov, Áset Imanǵalıev, Ershat Qaıyrhan, Baýyrjan Jylqybaev, Roza Álqoja, Rabıǵa Aǵmanova jáne taǵy basqa tanymal qaıratkerler óner kórsetedi.
«Al, ardaqty hám Uly mártebeli, patsha kóńildi kórermen! Sizdermen júzdespegeli, aldaryńyzǵa shyǵyp án salmaǵaly, ádemi ázil syılamaǵaly úsh jyldyń júzi bopty. Sizderdi qaıdam, óz basym gastróldi, sahnany saǵyndym… Araǵa biraz ýaqyt salyp, sizder men bizder Almatynyń «Alataýynda» bas qosatyn boldyq!», – dedi kesh ıesi.
Aıta keteıik, ánshi-sazger Qadyrǵalı Kóbentaıdyń «Saıtan kóbelek», «Óner adamy», «Joǵaltyp alma sen meni», «Aýylǵa sálem», «Men aýyldan ketkende», «Iyǵyńa súıep edim basymdy» syndy birneshe áni halyq arasynda keńinen taralǵan.