Sottalýshylar aıybyn tolyq moıyndady.
Pákistannyń tórt azamaty Qazaqstan shekarasyn zańsyz kesip ótkenderi úshin sottaldy, dep habarlaıdy Almaty-akshamy.kz
Jambyl oblysy Jambyl aýdandyq sotynda Qazaqstannyń memlekettik shekarasyn qasaqana zańsyz kesip ótý baby boıynsha aıyptalǵan 4 tulǵaǵa qatysty is qaraldy.
Sottalýshylar – Pákistan Islam Respýblıkasynyń azamattary A, A, M. men M. 2022 jyldyń qazan aıynda «Jas órken» shekara bólimshesi ýchaskesiniń sol qaptalynda, ótkizý pýnktinen tys jerde Qyrǵyzstan aýmaǵynan memlekettik shekarany qasaqana zańsyz kesip ótken.
Prokýror A, A, M. jáne M-ǵa - 6 aıǵa bas bostandyǵyn aıyrý jáne 5 jyl merzimge Qazaqstan aýmaǵynan tysqary shyǵaryp jiberý jazasyn taǵaıyndaýdy surady.
Kiná is aıasynda jınalǵan dáleldemelermen, sottalýshylardyń aıǵaqtarymen dáleldendi.
Sot jaza taǵaıyndaý kezinde olardyń shyn júrekten ókinýin, kámeletke tolmaǵan balalarynyń bar ekenin jazany jeńildetin mán-jaı retinde tanydy.
Aýyrlatatyn mán-jaı joq.
Sot A, A, M. jáne M.-ǵa Qazaqstan aýmaǵynan 5 jyl merzimge shyǵaryp jibere otyryp, 6 aıǵa bas bostandyǵynan aıyrý jazasyn taǵaıyndady.
Úkim zańdy kúshine endi.