QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda týrızmdi odan ári damytý sharalary talqylandy.
Úkimet otyrysynda salanyń tıimdi damýyna kedergi keltiretin faktorlar ataldy. Olar – ınfraqurylymnyń jetispeýi, shekteýli jatyn oryndary, logıstıka men kórsetiletin qyzmetter sapasynyń tómen deńgeıi, dep habarlaıdy Almaty-akshamy.kz.
«Týrıserdiń shaǵymdary men usynystaryna birden nazar aýdarý kerek. Mysaly, bıyl týrıser Alakól kýrorttyq aımaǵynda elektr energıasynyń jıi óship qalatynyna shaǵymdandy. Týrıser sanyn arttyrý úshin ınfraqurylymdy belsendi damytý qajet. Atalǵan máselelerdi sheshý árbir ákimniń mindeti bolýǵa tıis», — dedi Álıhan Smaıylov.
Premer-Mınıstrdiń pikirinshe, búginde elimizdiń búkil týrısik áleýetin paıdalaný ózekti kúıinde qalyp otyr. Atap aıtqanda, Baıanaýyl kýrorttyq aımaǵynda týrızmdi damytý tek Jasybaı kólimen shektelgen. Óńirdegi basqa da kólderdiń, taýlar men mádenı eskertkishterdiń múmkindikteri nazardan tys qalǵan.
«Ótken jazǵy maýsymda Assy ústirti men Qapshaǵaı aımaǵyna týrlardy uıymdastyrý kezinde qyzmetterdiń sapasyna kóptegen shaǵymdar tústi. Taksı, tamaqtaný jáne qonaq úı qyzmetteri baǵalarynyń sharyqtap ketýine qatysty shaǵymdar jıi aıtylady. Mundaı orynsyz jaǵdaılar eldiń týrısik tartymdylyǵyn tómendetedi», — dedi ol.
Álıhan Smaıylov atap ótkendeı, qonaq úılerdi klassıfıkasıalaý júıesin reformalaý jáne standarttardy halyqaralyq deńgeıge deıin kóterý jumystaryn bastaý qajet. Osyǵan baılanysty Týrızm jáne sport mınıstrligine Saýda jáne ıntegrasıa mınıstrligimen birlesip, týrızm salasyndaǵy obektiler men kórsetiletin qyzmetterge álemdik standarttarǵa sáıkestigi turǵysynan tekserý júrgizý jóninde sharalar qabyldaýdy tapsyrdy.
Premer-Mınıstr sondaı-aq TOP-20 týrısik aýmaqtardy damytý jónindegi jol kartalaryn bekitý qajettigin aıtty.
«Jergilikti tarıhı eskertkishter, kórkem tabıǵı peızajdar men halqymyzdyń basqa da ıgilikteri túgeldeı týrısik ónimderge durys ıntegrasıalanýy qajet», — dedi ol.
Sonymen qatar, Úkimet basshysy mádenı, agro jáne ekotýrızmdi damytý boıynsha naqty tásilderdi ázirleýdi tapsyrdy.
Qorytyndylaı kele, Álıhan Smaıylov týrısik nysandardy qajetti ınfraqurylymmen qamtamasyz etý, týrıserdiń qaýipsizdigin arttyrýǵa baǵyttalǵan sharalardy qabyldaý, Qazaqstannyń sheteldegi týrısik áleýeti týraly belsendi aqparattyq naýqan júrgizýdi qamtamasyz etý, sondaı-aq týrızm salasyn sıfrlandyrý jáne qyzmet kórsetý sapasyn arttyrý jónindegi is-sharalar josparyn bekitý qajettigin atap ótti.
«Bul rette, sheteldik týrısiń el aýmaǵyna kelgennen bastap, ketýine deıingi barlyq kezeńin sıfrlandyrýdyń jáne ońaılatýdyń tolyq sıklin, sondaı-aq ishki týrızmge arnalǵan qyzmetterdiń barlyq spektrin qamtý mańyzdy», — dep túıindedi sózin Úkimet basshysy.