Almaty qalasynyń olımpıadalyq komandasy 20 jyldan asa respýblıkalyq olımpıadalardyń qorytyndysy boıynsha «QR Úzdik olımpıadalyq komandasy» atanyp keledi.
Bul - Almaty qalasynyń basty jetistigi men maqtanyshy. Qala mektepteriniń 6 oqýshysy elordaǵa baryp qaıtty, onda olarǵa oqý-aǵartý mınıstri qurmet kórsetti. ÓKQ brıfıńinde balalar ózderiniń zıatkerlik jeńisterin, al olardyń tálimgerleri medal ıegerlerin qalaı tárbıeleý kerektigi týraly aıtyp berdi, dep habarlaıdy Almaty-akshamy.kz.
Halyqaralyq zıatkerlik olımpıadalardyń jeńimpazdary Almaty qalasynyń Óńirlik komýnıkasıalar qyzmetiniń baspasóz konferensıasyna shaqyryldy.
«Almaty daryny» daryndy balalar men talantty jastardy anyqtaý jáne qoldaý ortalyǵynyń dırektory Gúlnur Kárimǵajy Qazaqstan qurama komandalary eń bedeldi 7 halyqaralyq olımpıadaǵa qatysyp, (IMO, IPhO, IBO, IOL, İShO, IGeO, IOI), olardyń qorytyndysy boıynsha 23 medaldi jeńip alǵanyn, onyń ishinde 2-ýi altyn, 11-i kúmis, 10-y qola júlde ekenin aıtty.
Olardyń qatarynda:
1. Bısımbı Dosjan – Fızıkadan halyqaralyq olımpıadanyń (IPhO) kúmis medal júldegeri, jetekshisi - Tıleýbaev Meırambek Slámhanovıch;
2. Amangeldi Islam – Bıologıadan halyqaralyq olımpıadanyń (İVO) qola medal júldegeri, jetekshisi - Abdeshev Qýandyq Serikqalıuly;
3. Ernazarov Baqdáýlet – Bıologıadan halyqaralyq olımpıadanyń (İVO) kúmis medal júldegeri, jetekshisi - Majıtov Bekzat Mýhameduly;
4. Serazıtdınov Nazar – Informatıkadan halyqaralyq olımpıadanyń (IOI) qola medal júldegeri, jetekshisi - Satylhanov Temirlan Qaıratuly;
5. Sakenov Batyrhan – Matematıkadan halyqaralyq olımpıadanyń (IMO) qola medal júldegeri, jetekshisi - Kýngojın Medeýbek Amankeldıevıch;
6. Iýrkeevıch Mıron – Matematıkadan halyqaralyq olımpıadanyń (IMO) qola medal júldegeri, jetekshisi - Kýngojın Nýrbek Manbetuly.
Baspasóz konferensıasyna qatysýshy №165 mamandandyrylǵan lıseıdiń fızıka pániniń muǵalimi, fızıka páni boıynsha halyqaralyq olımpıadanyń kúmis júldegeriniń jetekshisi Vasılıı Sokolov olımpıadalarǵa qatysý úshin balalardy irikteý 7-synyptan bastap júrgiziletinin aıtty, biraq bul bastapqyda irikteýden ótpegen bala rezervke óte almaıdy degendi bildirmeıdi.
«Balalardyń motıvasıasy ár túrli, keıbireýleri óz qatarlastaryna ózderiniń eń jaqsy ekendikterin dáleldegisi kelse, endi bireýleri jaqsy jetistikterge jetip, sheteldik joǵary oqý oryndaryna túskisi keledi», - dep atap ótti daryndy balalardyń tálimgeri.
Aıta keteıik, halyqaralyq olımpıadalardaǵy jeńister álemniń kez kelgen ýnıversıtetine túsýge 100% kepildik beredi. Ol úshin muǵalimder de úlken kúsh-jiger jumsaıdy, biraq sonymen birge oqýshylar óz betinshe bilim ala alady.
Olımpıadashylardyń ózderi barlyq ýaqyttaryn oqýǵa arnaıtynyn aıtty. Negizgi sabaqtardan basqa, olımpıadalarǵa daıyndalýǵa 5-6 saǵat ketedi.
«Mańyzdy olımpıadalar aldynda bul ýaqyt kúnine 14 saǵatqa deıin artady. Bir uıyqtap alyp, demalyp, ári qaraı jumys isteı beremiz», - dep bólisti bıologıa boıynsha halyqaralyq olımpıadanyń (IBO) qola júldegeri, «Galaksı» halyqaralyq mektebiniń 12 synyp oqýshysy Islam Amangeldi.
Halyqaralyq fızıkalyq olımpıadanyń (IPhO) kúmis júldegeri, «Mıras» halyqaralyq mektebiniń 12-synyp oqýshysy Dosjan Bısımbı olımpıadalarǵa qatysý óz ýaqytyn durys paıdalanýǵa múmkindik beredi jáne maqsatqa umtylady dep esepteıdi.
«Sonymen qatar, bul - basqa elderdiń eń aqyldy oqýshylarymen tanysý tájirıbesi», - dep tolyqtyrdy ol.
№ 165 mamandandyrylǵan lıseıdiń dırektory Erbol Baekov kóp jaǵdaıda bizdiń daryndy balalarymyzdyń jeńisteri olardyń jetekshileriniń - balalardyń aldyna maqsat qoıa alatyn jáne olarǵa qol jetkizýge kómektesetin tájirıbeli muǵalimderdiń eńbegi ekenin aıtty.
«Daryndy balany anyqtaý úshin jan-jaqty jumystar júrgizilýde. Eń aldymen, oqýshynyń qalaýy bolǵany jón. Ári qaraı, úıde 8-9 saǵat boıy daıyndala alatyndaı jaǵdaı jasalý kerek. Munda eń mańyzdy róldi pán muǵalimi atqarady. Ol oqýshynyń talantyn ashady jáne odan ári onyń damýyna yqpal etedi. Mektep ákimshiligi olımpıadaǵa daıyndaýǵa mamandanǵan jetekshilerdi taǵaıyndaıdy, olardyń qolyna muǵalimder oqýshyny senip tapsyrady», - dep qorytyndylady mektep dırektory.