Qazaqstannyń Qyrǵyz Respýblıkasyndaǵy mádenı kúnderi resmı túrde bastaldy
Osy jazda Qyrǵyz Prezıdenti Sadyr Japarov QR Memleket basshysy Qasym-Jomart Toqaevtyń shaqyrtýymen Qazaqstanǵa resmı saparmen kelgen, dep habarlaıdy Almaty-akshamy.kz
Sol kezde eki eldiń mádenıet mınıstrleri kóptegen ýaǵdalastyqpen qatar, eki eldiń mádenı kúnderin ótkizý týraly kelisimge qol qoıǵan.
Bishkekke arnaıy barǵan delegasıa quramynda Asanáli Áshimov, Álibek Dinishev, Altynbek Qorazbaev syndy ónerdegi aǵalar men Maqpal Júnisova, Roza Rymbaeva, Maıra Muhamedqyzy, Nurjamal Úsenbaeva, t.b. óner qaıratkerlerinen quralǵan top qyrǵyz sahnasynda óner kórsetedi.
Alda kıno aptalyǵy, sýret kórmesi, gala-konsert, shyǵarmashylyq keshter, jekelegen kezdesýler ótkizý josparlanǵan.