Búkilálemdik «Kod saǵaty» aksıasy Qazaqstanda 2015 jyldan beri uıymdastyrylyp keledi.
Jarty mıllıonnan asa oqýshy «Kod saǵaty» dúnıejúzilik aksıasyna qatysady, dep habarlaıdy Almaty-akshamy.kz Oqý-aǵartý mınıstrliginiń málimetine silteme jasap.
Bul shara elimizdiń barlyq mektepterinde ınformatıka sabaqtary aıasynda ótedi.
Bıyl 4-11 jeltoqsan aralyǵynda qazaqstandyq oqýshylar «Kod saǵaty» búkilálemdik aksıasyna ún qosady.
Oqý-aǵartý mınıstrliginiń málimetinshe, shara ınovasıalyq tehnologıalar týraly bilimdi erekshe formatta taratýǵa baǵyttalǵan. Aptalyq oqytý aksıasyn vedomstvo qoldaýymen USTEM Foundation qoǵamdyq qory uıymdastyryp jatyr.
Búkilálemdik «Kod saǵaty» aksıasy Qazaqstanda 2015 jyldan beri uıymdastyrylyp keledi. Ótken jyly oǵan elimizdiń árbir onynshy oqýshysy qatysty. Bıyl biz jarty mıllıonnan astam oqýshy qatysady dep kútýdemiz. Basty maqsat – oqýshylarda kompúterge nemese ınternetke qoljetimdiliktiń bolmaýyna qaramastan, IT salasyna barlyq tilek bildirýshilerdi tartý. Baǵdarlamalarda balalar úshin barlyq múmkindikter qarastyrylǵan. Qazirdiń ózinde biz ınformatıka pániniń muǵalimderin sabaq berýde ınovasıalyq tásilderdi qoldanýǵa yntalandyrýdamyz. Ol úshin biz «Daryn» óńirlik ortalyqtarymen birlesip, búkil el aýmaǵynda semınarlar men dárister ótkizýdemiz. Muǵalimderge tolyq sabaq jospary usynylady. Bıylǵy taqyryp jasandy ıntellektke arnalǵan, – dedi qordyń negizin qalaýshylardyń biri Asylbek Murzahmetov.
Bul shara elimizdiń barlyq mektepterinde ınformatıka sabaqtary aıasynda ótedi. Oǵan 6 jastan 18 jasqa deıingi mektep oqýshylary qatysady. Eń belsendi oqytýshylar men qatysýshylarǵa Oqý-aǵartý mınıstrliginen sertıfıkattar tabystalyp, FIRST jarystaryna qatysýǵa múmkindik beriledi.