Almatynyń Óńirlik komýnıkasıalar qyzmetiniń alańynda qosymsha qajettilikteri bar tulǵalar úshin qarjylyq qyzmetterdiń qoljetimdiligi máselelerine arnalǵan baspasóz konferensıasy ótti dep habarlaıdy Almaty-akshamy.kz
Qarjy naryqtaryn retteý jáne damytý agenttiginiń qarjy qyzmetterin tutynýshylardyń quqyqtaryn qorǵaý departamentiniń dırektory Aleksandr Terentevtiń aıtýynsha, vedomstvo múgedektigi bar adamdar úshin kedergisiz jáne yńǵaıly orta qurý máselelerine erekshe nazar aýdarady.
Aıta keteıik, Memleket basshysy qol qoıǵan 2023 jylǵy 7 maýsymdaǵy «Múgedekterdiń quqyqtary jónindegi Konvensıa týraly fakúltatıvtik hattamany» ratıfıkasıalaý týraly Zańdy iske asyrý sheńberinde Agenttiktiń bastamasy boıynsha QR Saýda jáne ıntegrasıa mınıstrliginiń tehnıkalyq retteý jáne metrologıa komıteti «Múgedektigi bar adamdarǵa jáne basqa da mobıldiligi tómen toptarǵa qyzmet kórsetý boıynsha qarjy uıymdary bólimsheleriniń qoljetimdiligine qoıylatyn talaptar» ulttyq standartyn bekitti.
«Ulttyq standart múgedektigi bar adamdarǵa qyzmet kórsetý úshin qarjy uıymdary bólimsheleriniń qoljetimdiligine qoıylatyn jalpy talaptardy qarastyrady, olar múgedektigi bar adamdarǵa qarjy uıymdarynyń ǵımarattary men úı-jaılaryn beıimdeýdi qamtıdy, osy sanattaǵy klıentterge qyzmet kórsetý erekshelikterin, sondaı-aq osy sanattaǵy adamdarmen jumys isteý kezinde qarjy uıymdary personalyn oqytý jáne olardyń quzyretin arttyrý máselelerin belgileıdi», - dedi A. Terentev.
Osylaısha, osy nusqaýlardy oryndaý úshin tıisti buıryq shyǵaryldy, ony iske asyrý úshin bankter múgedektigi bar adamdardyń barlyq sanattary úshin qarjylyq qyzmetterge teń qoljetimdilikti jasaý jáne qamtamasyz etý úshin jeke josparlar ázirleıtin bolady.
«Atalǵan qujatty qabyldaýdyń aldynda Agenttik Qaırat Imanalıev atyndaǵy múmkindigi shekteýli adamdardyń quqyqtary jónindegi komısıamen birlesip, «Qazaqstan qarjygerleriniń qaýymdastyǵy» ZTB, Parlament Senatynyń depýtaty, adam quqyqtary jáne qarjy uıymdary boıynsha sarapshylarmen birlesip atqarǵan úlken jumysy bolǵanyn atap ótkim keledi», - dep atap ótti Q. Imanalıev atyndaǵy múmkindigi shekteýli adamdardyń quqyqtary jónindegi Komısıa» QB tóraǵasy Gúlmıra Býrasheva.
Múmkindigi shekteýli adamdar úshin jeke jáne aqparattyq qoljetimdilikti qamtamasyz etý, sondaı-aq múmkindikteri shekteýli klıenttermen ózara is-qımyl jasaý boıynsha ádistemelik usynystar ázirlendi jáne qabyldandy. Bul usynystardy bankter 3 jyl boıy synap kórdi.
Budan basqa, bankter bólimshelerdiń tehnıkalyq ınfraqurylymyn jańǵyrtý, saıttar men mobıldi qosymshalardy beıimdeý, osy sanattaǵy tulǵalarmen jumys isteý boıynsha bilikti personaldy daıarlaý boıynsha jeke josparlar ázirledi.
Agenttik jumys tobynyń qatysýshylarymen birlesip www.fingramota.kz ınternet-portalynyń basty betinde qarjy uıymdary bólimsheleriniń ınfraqurylymy týraly ózekti aqparatty usyný maqsatynda «múmkindigi shekteýli tulǵalar úshin bank bólimsheleriniń qoljetimdilik kartasy» ornatylǵan. Onda elimizdiń 28 qalasynda ekinshi deńgeıdegi bankterdiń 350 bólimshesi usynylǵan.
«Qarjylyq qoljetimdilik pen qarjylyq ınklúzıany arttyrý máselesinde ozyq tájirıbesi bar halyqaralyq uıymdarmen jáne shet elderdiń ortalyq bankterimen birlesip, qarjy uıymdarynyń personalyn oqytý júrgizildi. Agenttik QQQ jáne qarjy uıymdarymen birlesip júıeli negizde barlyq maqsatty aýdıtorıalar, onyń ishinde múmkindigi shekteýli jandar úshin dárister, trenıńter men vebınarlar ótkizedi», - dep tolyqtyrdy A.Terentev.
Sondaı-aq, agenttik qosymsha qajettilikteri bar klıentterdi sáıkestendiretin aqparattyq júıeni ıntegrasıalaý máselesin pysyqtaýda. Qorytyndysy boıynsha Smart Bridge aqparattyq júıesine qosylý maqsatynda bankterge ótinimderdi jiberý úshin silteme alyndy. Bul bankterge osy sanattaǵy klıentterdi anyqtaýǵa jáne olarǵa sapaly qyzmet kórsetýge múmkindik beredi.
«Qarjylyq qoljetimdiliktiń joǵary deńgeıin qamtamasyz etý, ásirese, halyqtyń áleýmettik osal toptarynyń arasynan alaıaqtyq áreketterge ushyraýyna alyp keledi. 2021 jyly Agenttik bankter men bank operasıalarynyń jekelegen túrlerin júzege asyratyn uıymdarǵa arnalǵan ádistemelik usynymdar ázirledi. Ádistemelik usynymdar bankterdiń aprobasıasynda. Múgedektigi bar adam nemese qart adam ózine qarjylyq operasıalar boıynsha kómekshi taǵaıyndaı alady. Kómekshi josparlanǵan qarjylyq operasıalar týraly habarlama alady, olardy qoldaı alady nemese qabyldamaıdy», - dep qorytyndylady A. Terentev jýrnalıserdiń suraqtaryna jaýap bere otyryp.