Almatyda suranys 17%-dan 15,9%-ǵa deıin azaıdy.
Elimizdiń bes oblysynda jańa kólikterge suranys joǵary, dep habarlaıdy Almaty-akshamy.kz
2022 jyldyń qańtarynda respýblıkanyń bes oblysynda jańa kólikterge suranys qaıtalama naryqtaǵy kólikterge qaraǵanda joǵary boldy.
Máselen, Nur-Sultanda 3 jylǵa deıingi 2339 avtokólik jáne 20 jyldan asqan 2006 avtokólik tirkelgen. Al Qostanaı oblysynda bul kórsetkishter sáıkesinshe 614 jáne 461 avtokólikti qurady. Aqtóbede – 485 jáne 48 kólik, ıaǵnı, aıyrmashylyq 10 ese. Atyraýda – 589 jáne 316 avto bolsa, Batys Qazaqstanda – 3 jylǵa deıingi 698 kólik, al 20 jyldan asqan 16 avto tirkelgen. Munda da aıyrmashylyq 43,6 ese joǵary. BQO-da 3 jylǵa deıin tizgindelgen avtokólikterdiń jalpy tirkeý kólemindegi úlesi 34,6%-dy, Nur-Sultanda – 31%-dy, Atyraý oblysynda - 28,3%-dy qurady.
Bul rette respýblıka boıynsha ortasha kórsetkish 18% shamasynda. Eger soltústik-batys aımaqtarda jańa kólikterdiń úlesi artyp jatsa, onda ońtústikte jaǵdaı kerisinshe. 2021 jyldyń qańtarymen salystyrǵanda Almaty oblysynda mundaı kóliktiń úlesi 6,4%-dan 4,6%-ǵa tómendedi. Túrkistan oblysynda jańa kólikterge suranys 8,2%-dan 8%-ǵa deıin, Almatyda 17%-dan 15,9%-ǵa deıin azaıdy. Shyǵys Qazaqstan oblysynda kórsetkish 12,4%-dan 10,4%-ǵa tómendedi.