Qazaqstan Sberbanki MasterCard pen Visa kartalary boıynsha ishinara shekteýler engizedi, dep habarlaıdy Almaty-akshamy.kz
«18 naýryzdan bastap MasterCard, 20 naýryzda Visa kartalary boıynsha ishinara shekteýler engiziledi. Atap aıtqanda, Sber kartalarynan basqa bankterdiń kartasyna aqsha aýdarý jaǵynan shekteý bolady. Basqa bankterdiń bankomattarynan aqsha alynbaıdy. Al Sberbank jelisiniń óz ishinde barlyǵy sol kúıinde qala beredi», – dedi bank mamandary.
SberBanktiń barlyq kartasy (Visa ı MasterCard) boıynsha basqa eshqandaı shekteý bolmaıdy. Qazaqstan boıynsha jáne banktiń óz ishinde isteı beredi.
«Sondaı-aq, burynǵydaı SberBanktiń POS-termınaldary arqyly tólem jasaı berýge bolady. Bankomattarda aqsha beriledi. Sber KZ mobıldi qosymshasynda aýdarymdar men tólemder jasalady», – deıdi bank qyzmetkerleri.
SberBankte MIR jáne China Union Pay tólem júıeleri boıynsha karta ashýǵa múmkindik bar.