Elimizdiń áýe keńistiginde eki halyqaralyq jolaýshylar ushaǵy soqtyǵysyp qala jazdady. Bul ýaqytta eki reıs Shymkent aımaqtyq dıspecherlik ortalyǵynyń aımaǵynda bolǵan. Oqys oqıǵaǵa qatysty Kólik mınıstrligi tergeý júrgizýdi qolǵa aldy, dep habarlaıdy Aqshamnews.kz tilshisi Elordainfo.kz-ke silteme jasap.
Kólik mınıstrliginiń baspasóz qyzmeti atalǵan jaǵdaıdy bylaı túsindirdi:
«10 qańtar kúni Astana ýaqyty boıynsha shamamen saǵat 05:42-de Shymkent aımaqtyq dıspecherlik ortalyǵy aımaǵynda «Pobeda» áýe kompanıasynyń Vnýkovo-Samarqand baǵyty boıynsha ushqan PBD997 reısine jáne «Uzbekistan Airways» áýe kompanıasynyń Termez-Máskeý baǵyty boıynsha ushqan UZB9609 reısine qyzmet kórsetý kezinde avıasıalyq oqys jaǵdaı boldy», - dep jazylǵan habarlamada.
Mınıstrlik avıasıalyq oqıǵanyń sebepterin anyqtaý úshin arnaıy komısıa quryp jatyr.
Vedomstvo taratqan málimetke súıensek, eger qosymsha saraptamalarǵa qajettilik týyndamasa tergeý 3 aıda aıaqtalýǵa tıis.