Almaty qalasy Jūmyspen qamtu jáne áleumettík baǵdarlamalar basqarmasyna qarasty Belsendí ūzaq ómír súru ortalyǵynyń «Baluan Sholaq» bólímshesínde «Janym qaıta án saldy» atty muzykalyq-poetıkalyq kesh óttí, - dep habarlaıdy Aqshamnews.kz.
Ís-sharanyń maqsaty – aǵa buyn ókílderíníń shyǵarmashylyq áleuetín damytu, áleumettík ózara baılanysty nyǵaıtu jáne ıdeyasyn nasıhattau.
Shyǵarmashylyq kesh jylylyqqa, dostyqqa toly atmosferada óttí. Baǵdarlama barysynda áuezdí ánder shyrqalyp, jyrlar oqyldy, ízgí tílekter men merekelík qūttyqtaular aıtyldy. Qatysushylardyń óner kórsetuí keshke erekshe sán beríp, kóteríńkí kóńíl kúı syılady. Jandy áńgíme men ruhanı qoldauǵa basymdyq berílíp, ózara túsínístík pen qūrmetke negízdelgen orta qalyptasty.
Muzykalyq-poetıkalyq keshtí Belsendí ūzaq ómír súru ortalyǵynyń psıhology Meńdíqūlova Saıran Sálímgereıqyzy júrgízdí. Ortalyqtyń qyzmet alushylary ís-sharaǵa belsene qatysyp, ónerín pash etíp, shyǵarmashylyq jetístíkterí men ómírlík tájírıbelerín ortaǵa saldy.
Mūndaı mádenı-ruhanı basqosular Belsendí ūzaq ómír súru ortalyǵy qyzmetíníń mańyzdy qūramdas bólígí sanalady. Olar egde jastaǵy jandardyń tūrmys sapasyn jaqsartuǵa, shyǵarmashylyq qabíletín shyńdauǵa, emotsıonaldyq jaı-kúıín nyǵaıtuǵa jáne qoǵamdyq ómírge belsendí aralasuyna múmkíndík beredí.
Almaty qalasynyń Jūmyspen qamtu jáne áleumettík baǵdarlamalar basqarmasyna qarasty Belsendí ūzaq ómír súru ortalyǵy aǵa buyn ókílderín áleumettík qoldau, psıhologıyalyq kómek kórsetu, sondaı-aq mádenı, bílím beru jáne shyǵarmashylyq bastamalarǵa tartuǵa baǵyttalǵan baǵdarlamalardy júıelí túrde íske asyryp keledí. Būl ıgí íster egde jastaǵy adamdardyń belsendí árí maǵynaly ómír súruíne yqpal etedí.