12 aqpanda Astanada, Shymkentte jáne Qazaqstannyń 16 oblysynda aýa raıyna baılanysty daýyldy eskertý jarıalandy, dep habarlaıdy aqshamnews.kz "Qazgıdromet" RMK baspasóz qyzmetine silteme jasap.
Astanada túnde jáne tańerteń tuman bolady, kúnniń ekinshi jartysynda ońtústik-batystan jel soǵady, ekpini 15-18 m/s quraıdy dep kútiledi.
Aqmola oblysynyń batysynda, soltústiginde, ońtústiginde jaıaý burqasyn júrip, oblystyń soltústiginde, ońtústiginde, shyǵysynda tuman bolady dep kútiledi. Kúndiz oblystyń batysynda, soltústiginde, shyǵysynda ońtústik-batystan jel soǵady, ekpini - 15-20 m/s.
Kúndiz Qaraǵandy oblysynyń batysynda, ortalyǵynda azdap qar jaýady, jaıaý burqasyn júredi dep kútiledi. Kúndiz oblystyń soltústiginde, shyǵysynda kóktaıǵaq, túnde jáne tańerteń oblystyń batysynda, soltústiginde, shyǵysynda tuman bolady. Qaraǵandyda túnde jáne tańerteń tuman, kúndiz joldarda kóktaıǵaq bolady dep boljanady.
Batys Qazaqstan oblysynyń batysynda, soltústiginde, ońtústiginde jáne ortalyǵynda tuman bolady dep kútiledi.
Kúndiz Almaty oblysynyń ońtústiginde shyǵystan jel soǵady, ekpini - 15-20 m/s.
Túnde jáne tańerteń Jetisý oblysynyń shyǵysynda, taýly aýdandarynda tuman túsedi, oblystyń shyǵysynda soltústik-shyǵystan soqqan jeldiń ekpini 15-20 m/s quraıdy.
Túnde Ulytaý oblysynyń batysynda, ońtústiginde, kúndiz oblystyń soltústiginde, shyǵysynda, ortalyǵynda azdap qar jaýady, jaıaý burqasyn júredi dep kútiledi. Oblystyń soltústiginde, shyǵysynda, ońtústiginde tuman túsedi. Jezqazǵanda kúndiz tuman bolady, azdap qar jaýady, jaıaý burqasyn júredi dep kútiledi.
Túnde Jambyl oblysynyń ońtústiginde, taýly aýdandarynda qar jaýyp, jaıaý burqasyn júredi, kúndiz oblystyń ońtústiginde jaýyn-shashyn (kóbinese qar), kóktaıǵaq bolady dep kútiledi. Oblystyń soltústiginde, ońtústiginde, taýly aýdandarynda tuman bolady. Oblystyń ońtústik-batysynda, soltústik-shyǵysynda, taýly aýdandarynda soltústik-batystan soqqan jeldiń ekpini 15-20 m/s quraıdy. Tarazda keı ýaqyttarda tuman túsip, kúndiz kóktaıǵaq bolady dep kútiledi.
Túrkistan oblysynyń batysynda, ońtústiginde, taýly jáne taý bókterli aýdandarynda jaýyn-shashyn (jańbyr, qar), tuman, kóktaıǵaq bolady dep kútiledi. Túrkistanda da keı ýaqyttarda jaýyn-shashyn (jańbyr, qar), tuman, kóktaıǵaq bolady dep kútiledi.
Shymkentte jaýyn-shashyn (jańbyr, qar), tuman, kóktaıǵaq bolady dep kútiledi.
Túnde jáne tańerteń Mańǵystaý oblysynyń batysynda, ońtústiginde, shyǵysynda kóktaıǵaq, tuman bolady dep kútiledi. Aqtaýda túnde jáne tańerteń kóktaıǵaq bolady.
Abaı oblysynyń soltústiginde, ortalyǵynda jaıaý burqasyn júredi dep kútiledi. Túnde jáne tańerteń oblystyń shyǵysynda, ońtústiginde tuman bolyp, oblystyń soltústiginde, ortalyǵynda ońtústikten, ońtústik-shyǵystan soqqan jeldiń ekpini 15-20 m/s, Jarma aýdanynda 25 m/s deıin jetedi.
Shyǵys Qazaqstan oblysynyń soltústiginde, ońtústik-shyǵysynda jaıaý burqasyn júredi dep kútiledi. Túnde jáne tańerteń oblystyń shyǵysynda, ońtústiginde tuman bolyp, oblystyń soltústiginde, ońtústik-shyǵysynda ońtústik-shyǵystan jel soǵady, ekpini - 15-20 m/s.
Túnde jáne tańerteń Atyraý oblysynyń batysynda, ońtústiginde tuman bolady dep kútiledi. Atyraýda da túnde jáne tańerteń tuman túsedi.
Túnde jáne tańerteń Aqtóbe oblysynyń soltústiginde, shyǵysynda tuman bolady dep kútiledi.
Qostanaı oblysynyń batysynda, soltústiginde, shyǵysynda tuman bolyp, kúndiz oblystyń soltústiginde soltústik-batystan jel soǵady, ekpini - 15-20 m/s.
Pavlodar oblysynyń soltústiginde, shyǵysynda jaıaý burqasyn júredi dep kútiledi. Ońtústik-batystan jel soǵady, ekpini - 15-20 m/s. Pavlodarda da jaıaý burqasyn júredi, tańerteń jáne kúndiz ońtústik-batystan soqqan jeldiń ekpini 15-20 m/s quraıdy.
Kúndiz Soltústik Qazaqstan oblysynyń soltústiginde jaıaý burqasyn júredi dep kútiledi. Oblystyń ońtústik-batysynda tuman bolyp, ońtústik-batystan jel soǵady, kúndizgi ekpini 15-20 m/s, keı tusta 23 m/s deıin jetedi. Petropavlda ońtústik-batystan soqqan jeldiń ekpini 15-20 m/s quraıdy.