Qazaqstandyqtardyń jalpy sany – 19 169 550 adam.
Bul týraly Memleket basshysynyń qabyldaýynda Premer-Mınıstr Asqar Mamın baıandady, dep habarlaıdy Almaty-akshamy.kz
Qasym-Jomart Toqaevqa Úkimet basshysy bıylǵy 1 qyrkúıek pen 30 qazan aralyǵynda júrgizilgen Ulttyq halyq sanaǵynyń alǵashqy nátıjeleri týraly baıandady.
Asqar Mamınniń málimeti boıynsha, qazaqstandyqtardyń jalpy sany – 19 169 550 adam. Otandastarymyzdyń 48,71 paıyzy – erler, 51,29 paıyzy - áıelder.
Qazaqstan halqynyń orta jasy 31,94 jas dep kórsetilgen. Jalpy halyqtyń 33,97 paıyzy – 17 jasqa deıingi balalar, 19,72 paıyzy – 14-28 jas aralyǵyndaǵy jastar. Elimizdegi qazaqtardyń úlesi – 70,18 paıyzǵa jetken.
Halyqtyń 59,05 paıyzy, ıaǵnı 11 320 410 adam eńbekke jaramdy dep tanylǵan.