Bul týraly QR Tótenshe jaǵdaılar mınıstrliginen málim etti
Vedomstvo málimetinshe, elimizdiń birqatar óńirinde qatty jeldiń saldarynan 4 qalada (Atyraý, Taldyqorǵan, Tekeli, Pavlodar qalalarynda) 70 133 abonent jáne 6 oblysta (Almaty, Atyraý, Aqmola, Qaraǵandy, Soltústik Qazaqstan jáne Pavlodar oblystary) 194 eldi meken elektr qýatynsyz qaldy, dep habarlaıdy Almaty-akshamy.kz
«Ótken táýlikte qutqarý bólimsheleri Nur-Sultan qalasy, Aqmola, Aqtóbe, Qaraǵandy, Qostanaı oblystarynda 814 adamdy, onyń ishinde 101 bala jáne 3 júkti áıeldi qutqardy jáne evakýasıalady. Avarıalyq-qutqarý jumystaryna TJM, İİM, jergilikti atqarýshy organdar men jol qyzmetterinen 539 adam jáne 277 tehnıka jumyldyryldy. Aqmola, Qaraǵandy, Pavlodar, Qostanaı oblystarynyń jylytý pýnkterinde 89 adam, onyń ishinde 11 bala bar. Avtojoldardyń jabyq ýchaskelerinde halyqty evakýasıalaý úshin ýaqytsha jylynýǵa arnalǵan 40 pýnkt daıyndaldy. Jol qyzmetteri qardan tazartý jumystaryn júrgizýde», - dep atap ótti mınıstrlikten.
TJM-nyń aqparatyna súıensek, halyqty eskertý maqsatynda aýa raıynyń nasharlaýy týraly 74 SMS-habarlama jiberildi jáne «Dármen» mobıldik qosymshasy arqyly 56 habarlama joldandy. Qazirgi ýaqytta avtojoldardyń 86 ýchaskesi jabyldy. Onyń 33-i respýblıkalyq jáne 53-i oblystyq mańyzy bar.
Bul rette avtokólikterdiń jınalýy Qaraǵandy (593 birlik tehnıka), Aqmola (546), Qostanaı (53) oblystarynyń jáne Nur-Sultan qalasynyń (60) blokpostarynda baıqalady. Ótken táýlikte Nur-Sultan, Almaty qalalarynda, Aqmola, Almaty, Aqtóbe, Atyraý, Jambyl, Qaraǵandy, Qyzylorda, Pavlodar jáne Soltústik Qazaqstan oblystarynda daýyldy jeldiń saldarynan shatyrlardyń buzylýy men aǵashtardyń qulaýy, sondaı-aq elektr energıasynyń ishinara ajyratylýy oryn aldy. Nur-Sultan, Almaty qalalarynda jáne Almaty oblysynda tótenshe jaǵdaılardyń saldarynan 6 adam, onyń ishinde 3 bala zardap shekti.
TJ mınıstrliginde tótenshe jaǵdaıdy joıý jónindegi respýblıkalyq shtab quryldy. Aqmola, Aqtóbe, Pavlodar, Qostanaı, Qaraǵandy, Soltústik Qazaqstan oblystarynda osyndaı shtabtar jumys júrgizýde. Psıhologıalyq kómek jáne aqparattyq qoldaý kórsetý úshin respýblıkalyq jáne aýmaqtyq shtabtarda "jedel jeli" telefony jumys jasaıdy.