Onyń ishinde 3 bala bar.
Almatyda bir táýlikte toǵyz adam koronavırýs juqtyrdy. Onyń barlyǵynda aýrý sımptomy bar, dep habarlaıy Almaty-akshamy.kz.
Ótken táýlikte 11 adam koronavırýstan jazylyp shyqty, 4 adam aýrýhanaǵa jańadan tústi. 180 tósek-oryndyq ınfeksıalyq stasıonarlarda 34 adam jatyr, onyń ishinde 3 bala bar.
Jalpy reanımasıa jáne qarqyndy terapıa bólimshesinde 4 adam emdelýde. 1 naýqas jasandy tynys alý apparatyna qosylǵan. High flow-da 1 apparat jumys isteıdi.
«Medısınalyq-sanıtarlyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 57 naýqas bar. Onyń ishinde jeńil jáne ortasha aýyr jaǵdaıda 47 naýqas, sımptomsyz 10 naýqas bar», - delingen Almaty qalalyq qoǵamdyq densaýlyq saqtaý basqarmasynyń baspasóz qyzmetiniń habarlamasynda.