Qazaqstanda 15 respýblıkalyq azamattyq qorǵaý qyzmeti bar.
QR Premer-mınıstri Oljas Bektenov Orman qoryn kúzetý jáne qorǵaý qyzmetin qurý týraly qaýlyǵa qol qoıdy, dep habarlaıdy Almaty-akshamy.kz
«Ekologıa jáne tabıǵı resýrstar mınıstrligi janyndaǵy jańa Respýblıkalyq azamattyq qorǵaý qyzmeti TJ kezinde, onyń ishinde orman órtterin sóndirý barysynda orman sharýashylyǵy mekemeleriniń tıimdiligin arttyrýǵa múmkindik beredi. Orman órtterine qarsy is-qımyl ormandardy kóbeıtýge jáne aǵashtardy kesýge ǵylymı tásildi, sondaı-aq keshendi aldyn alý sharalaryn qabyldaý men tıisti quzyretterdi damytýdy qajet etedi. Bólek qyzmet qurý qajettiligi osyndaı talaptardan týyndap otyr», delingen QR Úkimeti baspasóz qyzmetiniń habarlamasynda.
Orman qoryn kúzetý jáne qorǵaý qyzmetiniń qurylýy memlekettik organdardyń alapat orman órtterine qarsy kúres sharalaryn úılestirýin jaqsartýǵa, tıisti mekemelerdi tehnıkamen jáne qural-jabdyqtarmen qamtamasyz etýdi arttyrýǵa, sondaı-aq tabıǵı órtterdiń aldyn alý jáne olardy sóndirý úshin bilikti kadrlar quramyn jasaqtaýǵa múmkindik beredi dep kútilýde.
Aıta ketý kerek, qazirgi ýaqytta Qazaqstanda 15 respýblıkalyq azamattyq qorǵaý qyzmeti bar, olar elimizdegi tirshilikti qamtamasyz etetin ınstıtýttardyń turaqty jumys isteýin qamtamasyz etýge arnalǵan. Olardyń qataryna Órt sóndirý qyzmeti, Medısına qyzmeti, Hımıalyq qorǵaý qyzmeti, Injenerlik qyzmet, Radıasıadan qorǵaý qyzmeti, Ulttyq gıdrometeorologıalyq qyzmet jáne t. b. jatady.