Kredıt alý boıynsha Almaty qalasy kóshbastap tur
Qarjy naryǵyn retteý jáne damytý agenttigi elimizde tutynýshylyq kredıt alýshylar sany óskenin málimdedi, dep habarlaıdy Almaty-akshamy.kz.
«Aǵymdaǵy jylǵy 8 aıdyń qorytyndysy boıynsha tutynýshylyq qaryzdar 2020 jylmen salystyrǵanda edáýir jedeldep (2020 jyly tutynýshylyq qaryzdar 4,3%-ǵa ulǵaıdy), 5,4 trln teńgege deıin 23,8%-ǵa nemese ekonomıkaǵa kredıtterdiń 33%-na (jyl basynda 30%) ulǵaıdy. Osy kórsetkishtiń ósýi bıyl JİÓ men halyq tabysynyń nomınaldy ósiminen edáýir asyp túsedi, bul tutynýshylyq kredıt berý naryǵyndaǵy táýekelderdiń artýyn rastaıdy», - delingen habarlamada.
Osy jyldyń basynan bastap jańadan berilgen tutynýshylyq qaryzdardyń 88%-yn 3 bank: «Kaspi Bank» AQ, «Qazaqstan Halyq Banki» AQ, «Sberbank» AQ EB qamtamasyz etti.
Al memlekettik kredıttik búronyń derekteri boıynsha qaryz alýshylardyń kópshiliginde, ıaǵnı 72%-da, kredıtter boıynsha bereshegi boryshynyń ortasha somasy 1 mln teńgege deıin ortasha alǵanda 339,2 myń teńge bolady.
Tutynýshylyq kredıtter boıynsha qaryz alýshylardyń negizgi úlesi elimizdiń iri qalalary – Almatyda (24,1%), Nur-Sultanda (9%), Shymkentte (7%) shoǵyrlanǵan.