Búginde óńirlerge shamamen 6,2 mln vaksına dozasy jetkizilgen.
Qazaqstanda vaksına jetkizý kestege sáıkes júrgizilip jatyr. Bul týraly Ortalyq komýnıkasıalar qyzmetindegi baspasóz máslıhaty barysynda QR Densaýlyq saqtaý mınıstri Alekseı Soı málimdedi, dep habarlaıdy Almaty-akshamy.kz.
«Qazirgi ýaqytta Qazaqstanda vaksına jetkizý kestege sáıkes júrgizilip jatqanyn atap ótý óte mańyzdy. Búginde óńirlerge shamamen 6,2 mln vaksına dozasy jetkizildi. Qazir 2 587 884 adam 1-komponentti aldy. Bul ekpe alýǵa jatatyn halyqtyń 26 paıyzyn quraıdy. Ekinshi komponent 1 480 309 adamǵa salyndy», - dedi mınıstr Ortalyq komýnıkasıalar qyzmetindegi baspasóz máslıhaty barysynda.
Onyń dereginshe, respýblıkada vaksınanyń 1 mln-nan astam birinshi jáne 1 mln-nan astam ekinshi komponent qaldyq dozasy bar.
«Jetkizý kestesi naqty bekitilgen. Biz vaksınany jaramdylyq merzimimen kezeń-kezeńmen alyp jatyrmyz. Qazirge deıin úlken úgit jumysy júrgizildi. Óńirlermen, memlekettik organdarmen birge aımaqtyq jáne ortalyq buqaralyq aqparat quraldarynda 3,5 myńnan astam jarıalanym, 17 myń materıal jaryq kórdi», - dedi Alekseı Soı.