Ótken jyly 130 myńnan astam turǵyn úı salynǵan.
Indýstrıa jáne ınfraqurylymdyq damý mınıstri Marat Qarabaevtyń aıtýynsha, bıyl respýblıkada 143,5 myń turǵyn úıdi paıdalanýǵa berý josparlanyp otyr, dep habarlaıdy Almaty-akshamy.kz
Vedomstvo basshysynyń sózinshe, byltyr elimizde 130 myńnan astam turǵyn úı salynǵan.
"Turǵyn úı qurylysyna ınvestısıalar ótken jylmen salystyrǵanda 16,8 %-ǵa ósip, 2 trln 900 mlrd teńgeni qurady. Memlekettik ınvestısıalar esebinen 17 myń 300 páter salynyp, 10 myń 500 jeńildetilgen nesıe berildi. Turǵyn úıdi iske qosýdyń jalpy respýblıkalyq josparly kórsetkishi 101,8 %-ǵa oryndaldy. Astana (+18,5 %) jáne Almaty (+14,7 %) qalalarynyń ákimdikteri josparly kórsetkishti asyra oryndady", - dedi ol Úkimet otyrysynda.
Marat Qarabaev 8 óńir turǵyn úıdi paıdalanýǵa berý josparyn oryndamaǵanyn atap ótti. Onyń ishinde Ulytaý (52,8%), Soltústik Qazaqstan (74,8%) jáne Atyraý (86,8 %) oblystarynyń kórsetkishteri eń tómen.
"Bıyl 15 mln 300 myń sharshy metr turǵyn úıdi (143,5 myń turǵyn úı) paıdalanýǵa berý josparlanǵan. Josparly kórsetkishter óńirlerge jetkizildi", - dep qorytyndylady mınıstr.