Álem chempıonatyna baratyn 16 komanda anyqtalady.
Elimizde alǵash ret uıymdastyrylyp otyrǵan jarysta Azıa - Tynyq muhıt aımaǵynyń jasóspirimderi baq synaıdy. İrikteý saıysy Shymkent qalasynda 1-13 mamyr kúnderi 16 jasqa deıingiler arasynda ótedi, dep habarlaıdy Almaty-akshamy.kz
Tenıs federasıasynyń baspasóz qyzmetiniń málimetinshe, álem chempıonatyna joldama úshin qyzdar arasynda Qazaqstan, Aýstralıa, Taıbeı, Gonkong, Úndistan, Indonezıa, Malaızıa, Iran, Japonıa, Ońtústik Koreıa, Qyrǵyzstan, Mońǵolıa, Jańa Zelandıa, Taıland, Ózbekstan, Vetnam quramalary kortqa shyǵady.
Bozbalalar arasynda Qazaqstan, Aýstralıa, Malaızıa, Pákstan, Sıngapýr, Taıbeı, Gonkong, Úndistan, Indonezıa, Iran, Japonıa, Ońtústik Koreıa, Jańa Zelandıa, Taıland, Ózbekstan, Vetnam komandalary synǵa túsedi.
Qazaqstan namysyn myna sportshylar qorǵaıdy:
Bozbalalar:
1. Ámir Omarhanov (Qaraǵandy)
2. Zańǵar Nurlanuly (Túrkistan).
Úshinshi bos orynǵa Damır Jalǵasbaı (Almaty), Baqtıar Erasyl (Astana) jáne Artem Sıdorov (Almaty) talasady.
Qyzdar:
1. İńkár Dúısebaı (Almaty)
2. Polına Slepsova (Almaty)
3. Arıana Gogýlına (Astana)
4. Anastasıa Krymkova (Taraz).
Osylardyń ishinen komanda kapıtany úsheýin tańdaıdy.
Shymkenttegi irikteý saıysynda 16 komanda tórt topqa bólinedi. Ár toptan eki úzdik qurama pleı-off kezeńine shyǵyp, álem chempıonatynyń joldamasyn sarapqa salady. Azıa - Tynyq muhıt aımaǵynan bozbalalar arasynda álem chempıonatyna tórt joldama beriledi, ıaǵnı jartylaı fınalǵa shyqqan komandalar álem birinshiligine joldama alady. Qyzdar arasynda úsh joldamaǵa úzdik úshtikke engender ıe bolady.
Shymkentpen qatar, Eýropa, Afrıka, Ońtústik, Soltústik jáne Ortalyq Amerıkada irikteý jarystary ótip, álem chempıonatyna baratyn 16 komanda anyqtalady.