Qazaqstanda atom elektr stansıasy salynbaq.
Bul týraly «Samuryq-Qazyna» UÁQ» AQ basqarma tóraǵasy Almasadam Sátqalıev málim etti, dep habarlaıdy QazAqparat tilshisi.
«Boljamdy energetıkalyq teńgerim 2023 jylǵa qaraı qýaty 2400 megavatqa deıingi atom elektr stansasyn salý qajettigin kórsetti. Bizdiń qor Úkimettiń basshylyǵymen atalǵan jobany iske asyrýǵa kiristi. Bul baǵyttaǵy jumys týraly múddeli tulǵalar, jýrnalıser jáne qoǵam aldynda baıandap otyratyn bolamyz», - dedi Almasadam Sátqalıev Ortalyq komýnıkasıalar qyzmeti alańynda ótken baspasóz máslıhatynda.
Sondaı-aq, qor basshysy qaıyrymdylyq baǵdarlama týraly aıtty.
«Memleket basshysy qor paıdasynyń 7%-y «Qazaqstan halqyna» qoryna jiberiletinin aıtty. 2018 jyldan bastap qor aksıalarynyń memlekettik paketinde dıvıdendter 13 ese ósti. Bıyl atalǵan kórsetkish 170 mlrd teńge bolady. Sonymen qatar, shamamen 183 mlrd teńge qaıyrymdylyqqa jáne aksıonerlerdiń paıdasyna ózge de bólýge baǵyttalady. Qordyń qaıyrymdylyq baǵdarlamasy bar. Ol jumys «Samuryq-Qazyna trast» kompanıasy tarapynan júzege asyrylady», - deıdi ol.