El opozısıasy Parlamentte ımpıchment jarıalaý týraly qujatqa qol qoıýǵa shaqyrdy.
Armenıa Premer-mınıstri Nıkol Pashınánǵa ımpıchment jarıalaý týraly qujatqa qazir «Armenıa» jáne «Mende abyroı» opozısıalyq fraksıalarynyń 35 depýtatynyń qoly qoıylǵan. Bul týraly 15 qyrkúıekte «Armenıa» fraksıasynyń jetekshisi, eldiń burynǵy qorǵanys mınıstri Seıran Oganán málimdedi, dep habarlaıdy Almaty-akshamy.kz Iz.ru silteme jasap.
Seıran Oganánnyń aıtýynsha, saıasatkerdi bılikten ketirý úshin basqarýshy Azamattyq kelisim fraksıasynyń kóbirek daýysy qajet.
«Prosesti aıaqtaý úshin basqarýshy fraksıanyń 18 daýysy qajet», - dedi Oganán parlament ǵımaraty aldyndaǵy mıtıńide.
Sondaı-aq eks-mınıstr Oganán Úkimetti qoldaıtyn depýtattardy bul bastamaǵa qosylýǵa shaqyrdy.
Buǵan deıin Armenıa Parlamentine opozısıa depýtattary Pashınánǵa ımpıchment jarıalaý boıynsha daýys berý úshin kelgen. Olar Parlament ǵımaratyna qyzmettik kireberis arqyly kirgen.
Sherýshiler Pashınánnyń jaqtastary tez arada kelmese, olardy kúshpen ákeletinin aıtty.