Aldaǵy jyldary elimizde 10 mln adam baspanaǵa muqtaj bolýy múmkin.
Qazirdiń ózinde 2 mln azamat turǵyn úı alýǵa nıetti. 500 myń adam ákimdikterde baspana kezeginde tur. Keıingi jyldary aýyldan qalaǵa 5 mln jýyq turǵyn qonys aýdarǵan. Sondaı-aq shetelden kelip jatqan qandastardy esepke alsaq, jańaǵy aıtqan 10 mln adamǵa baspana qajet bolady. Astanada jyljymaıtyn múlik naryǵy jaıynda ótken forýmda osy máseleler aıtyldy, dep habarlaıdy Almaty-akshamy.kz.
Osy jıynda elde Halyqaralyq jyljymaıtyn múlik qaýymdastyǵynyń keńsesi ashylǵany da belgili boldy. Osy uıym ókilderi, otandyq jáne sheteldik qurylys kompanıalarynyń basshylary men salaǵa qatysty mamandar turǵyn úı naryǵyn damytý jaıynda pikir almasty.
«Bul bolashaqta bizge ne beredi degen máselege toqtalsaq, kóptegen sheteldik kompanıalar bizdiń eldegi qurylys naryǵy men ondaǵy ahýaldy bile bermeıdi. Bizdiń qaýymdastyq jyljymaıtyn múlik naryǵynyń damý baǵytyna saraptama jasap, áriptesterge jan-jaqty qoldaý kórsetip otyrady», - dedi FIABCI CENTRAL ASIA keńsesiniń basshysy Álıa Serikpaeva.