Búgin Qazaqstanda 3 mln 700 myńnan astam oqýshy oqý jylyn aıaqtap jatyr, dep habarlaıdy Almaty-akshamy.kz.
«Elimiz boıynsha 172 myń túlek 11 synyp bitirdi, onyń 6 myń 800-i «Altyn belgi» úmitkerleri. Al 9-synypty 288 myńnan astam túlek támámdady. 1-10 synyptar aralyǵyndaǵy balardyń 85,3% jazǵy demalys jáne saýyqtyrýmen qamtylatyn bolady. Bul – el boıynsha 2 mln 800 myń bala. Onyń ishinde 500 myń jekelegen sanattaǵy otbasy balalary bar», - delingen Oqý-aǵartý mınıstrliginiń habarlamasynda.
Balalar demalysyn uıymdastyrý úshin qalalar syrtynda 218 jáne mektep janyndaǵy, profıldik, shatyrly 10 200 lager jumys isteıtin bolady.
Sonymen qatar «Etnoaýyl», «Jazdyq joldama» jobalary iske asyrylady. Jetekshi ýnıversıtetter janyndaǵy jazǵy jáne olımpıadalyq rezerv mektepteri jumys jasaıdy.
«Jazǵy demalysta 1 mln 400 myń bala úshin qosymsha bilim berý mekemelerindegi seksıalar men úıirmeler ashylady. Ǵylymı-tehnıkalyq, mýzykalyq, kórkemdik, ekologıalyq, týrısik jáne basqa da baǵyttardaǵy 11 myń úıirme balalardy qabyldaıdy», - delingen habarlamada.
Sondaı-aq balalar «Jasyl el» baǵdarlamasy sheńberinde kógaldandyrýmen shuǵyldanady, elimizdiń kıeli jerlerine saıahattap, sporttyq jattyqtyrý jıyndarynda shynyǵady, tildik kýrstarǵa qatysa alady.