Ol Almaty oblysyndaǵy 3 aýyldyń jaryqqa tólegen aqshasyn jymqyrǵan.
Qarjy monıtorıńi agenttiginiń málimeti boıynsha, 2019 jyldan 2022 jylǵa deıin, quqyǵy bolmasa da aýyl turǵyndarynan tutynylǵan elektr energıasy úshin tólem qabyldaǵan, dep habarlaıdy Almaty-akshamy.kz
Iaǵnı Qaraoı, Qýat jáne Ótegen batyr aýylynyń turǵyndaryna jalǵan tólem túbirtekterin berip, alǵan aqshany óz qajetine jaratyp otyrǵan.
"Óziniń qylmystyq áreketterin jasyrý úshin áriptesteriniń logınderi men qupıa sózderin paıdalanyp, derekqorǵa jalǵan aqparat engizgen", - delingen habarlamada.
Sotqa deıingi tergep-tekserý barysynda Almaty oblysy boıynsha QMA departamenti atalǵan aýyldardyń 150-den astam turǵynyn elektr jelisinen ajyratýǵa jol bermeý, sondaı-aq 16 mıllıon teńgege jýyq zalaldyń ornyn toltyrý sharalaryn qabyldady.
«AlmatyEnergoSbyt» JSHS jeke tulǵalarmen jumys jónindegi ınjeneri alaıaqtyq jasaǵany úshin kináli dep tanylyp, bes jylǵa bas bostandyǵynan aıyryldy.