Qazaqstannyń birinshi, álemniń 7-raketkasy Elena Rybakına Tokıo (Japonıa) WTA 500 týrnıriniń shırek fınalyna shyqty, - dep habarlaıdy aqshamnews.kz tilshisi.
Jarystyń 2-raketkasy bolyp tirkelgen Rybakına ekinshi aınalymda dúnıejúzilik reıtıńide 22-orynda turǵan kanadalyq, 2021 jylǵy AQSH chempıonatynyń fınalısi Leıla Fernandespen sheberlik baıqasty.
Birinshi partıa 6:4 esebimen Elenanyń paıdasyna sheshildi. Ekinshi sette Rybakına 3:0 esebimen alǵa ketti. Aqyry machti sátti aıaqtaı aldy - 6:3. Bir saǵat 28 mınýtqa sozylǵan báseke barysynda Rybakına 6 eıspen birge 4 breık-poınttyń úsheýin múlt jibergen joq.
Elena Rybakına jartylaı fınalǵa shyǵý úshin álemniń 23-raketkasy, taǵy bir kanadalyq Vıktorıa Mbokomen kezdesedi.