Almatydaǵy Abaı alańynda Respýblıka kúnine arnalǵan «Jasa, Qazaqstan!» atty aýqymdy fleshmob uıymdastyryldy.
Merekelik is-sharanyń maqsaty – táýelsizdik qundylyǵyn dáripteý, azamattyq birlikti nyǵaıtý jáne jastardyń otansúıgishtik rýhyn arttyrý.
Fleshmobqa joǵary oqý oryndarynyń stýdentteri, komúnıtı ortalyqtardyń ókilderi, eriktiler qozǵalystary men mádenıet qaıratkerleri syndy 2000-nan astam jas qatysty. İs-shara barysynda alańda Memlekettik Tý kóterilip, jınalǵandar Qazaqstan Respýblıkasynyń Memlekettik Ánuranyn qosyla shyrqady. Almaty turǵyndary men qonaqtaryna eldiń mádenıeti men rýhyn beıneleıtin jarqyn horeografıalyq qoıylymdar usynyldy.
"Respýblıka kúni – bul bizdiń táýelsizdigimizdiń jáne memlekettiligimizdiń bastaýynyń nyshany. Búgingi fleshmob jastardyń el bolashaǵyna degen súıispenshiligi men birliginiń, seniminiń kórinisi boldy. Bizdiń basty maqsatymyz – osyndaı bastamalar arqyly jastardyń azamattyq belsendiligin arttyrýǵa jáne Qazaqstannyń damýyna úles qosýyna jaǵdaı jasaý", – dedi Almaty qalasy Jastar saıasaty basqarmasynyń basshysy Azız Kajdenbek.
Aıta keteıik, Respýblıka kúnine oraı Almaty qalasy Jastar saıasaty basqarmasynyń qoldaýymen patrıottyq aksıalar, mádenı festıválder, sporttyq bastamalar men eriktiler jobalary sekildi túrli formattaǵy shamamen 120 is-shara ótkizilmek.