Inovasıa jáne kreatıvti ındýstrıalardy damytý komıteti Almaty qalasynyń kásipkerler palatasynda qurylady
Komıtettiń birinshi otyrysy memlekettik organdar, bıznes jáne ǵylym ókilderimen ótti. Jańa komıtet ınovasıalyq tásilder men ázirlemelerdi damytý sheńberinde bıznes pen ǵylymdy ıntegrasıalaýǵa yqpal etetin bolady. Jumysta 4 baǵyt: ınovasıa, kreatıvti ındýstrıa, IT-baǵyt, ınvestısıalar bolady.
Komıtet osy baǵyttar boıynsha máseleler men jobalardy qaraıtyn bolady. Eske salsaq, Ulttyq palatany transformasıalaý aıasynda UKP Tóralqa tóraǵasy Raıymbek Batalovtyń tapsyrmasy boıynsha óńirlerdiń ereksheligin eskere otyryp, búkil el boıynsha salalyq komıtetter qurylady. Maqsaty – bıznesten birlesip, salalardy damytý baǵdarlamalarynan salalyq saraptamany kúsheıtý. Komıtetter qurýdyń bul bastamasy UKP-nyń H sezinde qoldaý tapty. Almatyda ÓKP bazasynda ekinshi salalyq komıtet óz jumysyn bastady.
«Almatyda úlken ınovasıalyq áleýet bar. Búginde kásipkerler bıznes-proseske ınovasıalyq tehnologıalardy, kreatıvti tásilderdi engizýge tyrysýda. Aqyldy qalanyń qurylysynda ınovasıalar barlyq jaǵynan júıeli túrde kórinedi. Ekoavtobýstar, elektr samokattar, qolma-qol aqshasyz esep aıyrysý, jasandy ıntellekt, servıstik onlaın platformalar, gastrokartalar – qalada shaǵyn jáne orta bıznesti damytýda tıimdi quralǵa aınalyp jatyr», – dep atap ótti Almaty qalasy kásipkerler palatasynyń dırektory Aıtýar Qoshmambetov.
Óńirlik bóliniste shaǵyn jáne orta kásipkerlik sýbektileriniń basym bóligi Almaty qalasynda shoǵyrlanǵan – 206 myń birlik nemese búkil Qazaqstan kórsetkishiniń 14,4%. Eldiń shaǵyn jáne orta zańdy tulǵalarynyń 27%-y ońtústik astanada jumys isteıdi.
Spıkerdiń aıtýynsha, komıtet jumysynyń maqsaty – ınovasıa men kreatıvti ındýstrıany damytý máselelerinde memleket, bıznes jáne ǵylymnyń dıalog alańyn qurý. Mindeti – jobalardy komersıalandyrý boıynsha ǵylymı zertteýler men ázirlemelerdi ilgeriletý, Almaty aýmaǵynda jańa, ınovasıalyq kásiporyndar men jumys oryndaryn qurýǵa járdemdesý.
Sharaǵa qatysýshylar ınovasıa jáne kreatıvti ındýstrıany damytý komıtetiniń óńirlik máselelerin talqylady.