Osy jarysta qazaqstandyq Anna Danılına da juptyq synda fınalǵa shyǵa almady
Qazaqstannyń birinshi, álemniń 26-raketkasy Elena Rybakına Ostrava (Chehıa) WTA 500 týrnıriniń fınalyna óte almady, dep habarlaıdy Almaty-akshamy.kz QazAqparatqa silteme jasap.
E.Rybakına jartylaı fınalda álemniń 23-raketkasy, chehıalyq Barbora Kreıchıkovamen fınaldyń joldamasyn sarapqa saldy.
Qazaqstandyq tenısshi machty sátti bastap, birinshi partıany senimdi utty – 6:3.
Ekinshi sette taı-breıkte B.Kreıchıkovanyń joly boldy – 7:6 (7:4).
Úshinshi, sheshýshi partıada chehıalyq sportshy tarazy basyn ózine aýdara bildi – 6:4.
Eki saǵat 24 mınýtqa sozylǵan tartysty báseke barysynda E.Rybakına 17 eıs jasap, 6 breık-poınttyń ekeýin ǵana paıdalandy. Qarsylasy 2 eıs, 2 breıkpen kózge tústi.
B.Kreıchıkova fınalda álemniń 1-raketkasy, Polsha ókili Iga Shventek nemese reıtıńte 21-satydaǵy reseılik Ekaterına Aleksandrovanyń bireýimen oınaıdy.
Osy jarysta qazaqstandyq Anna Danılına da juptyq synda fınalǵa shyǵa almady. Ol brazılıalyq Beatrıs Haddad Maııamen birge jartylaı fınalda polák tenısshisi Alısıa Rosolska – jańazelandıalyq Erın Rýtlıfke jol berdi – 4:6, 2:6.
Eske sala keteıik, budan buryn Elena Rybakınanyń Chehıadaǵy iri jarystyń jartylaı fınalyna shyqqanyn jazǵan bolatynbyz.
Sondaı-aq Astana týrnıriniń jartylaı fınalynda Novak Djokovıch pen Danııl Medvedev kezdesedi.
Tenısshi Tımofeı Skatov Italıadaǵy týrnırdiń fınalyna shyqty.
Novak Djokovıch Astana týrnıriniń fınalyna shyqty.