Qazaqstanda eGov sıaqty memlekettik sıfrlyq júıe men halyqqa elektron negizde qyzmet kórsetetin platformalarǵa "ulttyq obekt" mártebesin berilýi múmkin. Bul atalǵan sıfrlyq aktıvterdiń jeke menshikke, basqa elge satylyp ketýinen, ıeligine ótip ketýden qorǵaıdy, - dep habarlaıdy aqshamnews.kz tilshisi.
Bul týraly Májilis minberinen Sıfrlyq kodeks jobasyn tanystyrǵan depýtat Ekaterına Smyshláeva aıtty.
"Elimizde alǵash ret ıelikten shyǵarýǵa jatpaıtyn jáne eldiń sıfrlyq egemendiginiń negizin quraıtyn ulttyq sıfrlyq obektiler uǵymy bekitilmekshi", — dedi ol.
Kodeks jobasy kez kelgen memlekettik nemese iri sıfrlyq júıeniń jumys sapasyn úsh túrli tekserý arqyly qadaǵalap otyrýdy kózdeıdi. Olar:
— Fýnksıonaldyq aýdıt. Bul tekserý sıfrlyq júıeniń o basta qurylǵan maqsatyna qanshalyqty saı jumys istep turǵanyn tekseredi.
— Kıberqaýipsizdik aýdıti — júıeniń hakerler shabýylyna tózimdiligin, derekterdiń qorǵalýyn tekseredi.
— Retteýshi aýdıt — júıedegi prosesterdiń Sıfrlyq kodeks talaptaryna sáıkestigin qaraıdy.