Ushaqqa 400 kılovatt kúshi bar elektr qozǵalqyshy ornatylǵan
Brıtandyq Rolls-Royce ındýstrıaldyq kompanıasy (avıasıa qozǵaltqyshtary jáne qymbat avtokólikterimen tanymal) Spirit of Innovation elektr ushaǵy óziniń sanatynda álemdik jyldamdyq rekordyn jasaǵanyn málim etti, dep habarlaıdy Almaty-akshamy.kz QazAqparatqa silteme jasap.
Kompanıanyń málemdemesinde ushaqty synaý kezinde 623 km/saǵ jyldamdyq kórsetti delingen.
Dúnıejúzilik áýe sporty federasıasy ázirge rekordty rastamady, rastalǵan jaǵdaıda, bul elektr ushaǵy kórsetken eń joǵary jyldamdyq bolmaq. Jańa ushaq 16 qarasha kúni Ýıltshır graftyǵyndaǵy Boskoým-Daýn áýe bazasynda synaqtan ótken.
Shtýrvalda ushqysh Fıl O'Dell otyrdy, ol buny óziniń mansabyndaǵy aıtýly oqıǵa dep atady.
Rolls-Royce kompanıasy ushaq 2017 jyly Siemens nemis elektroplany ornatqan 213 km/saǵ jyldamdyqty basyp ozǵanyna senimdi. Ushaqqa 400 kılovatt kúshi bar elektr qozǵalqyshy ornatylǵan, bul 535 attyń kúshin beredi. Onda syıymdylyǵy joǵary akkýmlátor ornatylǵan, bir ýaqytta 7 500 smartfondy qýattaýǵa kúshi jetedi.