Tórtinshi raýndt nokdaýn, besinshi raýndta nokaýt
Germanıanyń Gambýrg qalasynda ótken boks keshinde qazaqstandyq boksshy Jan Kosobýskıı jekpe-jekke shyqty, dep habarlaıdy Almaty-akshamy.kz.
Jerlesimiz buǵan deıin eshkimnen jeńilip kórmegen domınıkandyq Aleksıs Garsıamen olǵap túıistirdi. Sýper aýyr salmaqtaǵy jekpe-jek on raýndtqa eseptelgen, alaıda Kosobýskıı birden óziniń basymdyǵyn baıqatty. Tórtinshi raýndta otandasymyz qarsylasyn nokdaýnǵa jiberdi, al besinshi raýndta tehnıkalyq nokaýtpen jeńiske jetti.
Osylaısha Jan Kosobýskıı óziniń kásibı bokstaǵy 17-shi jeńisine qol jetkizip, bos turǵan WBC International Silver chempıondyq tıtýlyn ıelendi. Al, onyń qarsylasy Aleksıs Garsıa kásibı boksta alǵash ret jeńilis tapty.
Aıta ketsek, Jan Kosobýskıı buǵan deıin IBO Inter-Continental jáne WBA International chempıondyq belbeýlerin jeńip alǵan bolatyn.
Buǵan deıin taǵy bir otandasymyz Jánibek Álimhanulynyń Las-Vegasta ótken boks keshinde jeńiske jetkenin habarlaǵanbyz.