Ol 12 shildede otstavkaǵa ketý týraly ótinishke qol qoıyp, elden ketken bolatyn.
Qyzmetinen ketken Shrı-Lankanyń eks-prezıdenti Gotabaıa Radjapaksaǵa Sıngapýr pana beretin boldy, dep habarlaıdy Almaty-akshamy.kz Inbusiness.kz silteme jasap.
Eske sala ketsek, 9 shildede eldi úkimetke qarsy aýqymdy narazylyq sharalary sharpydy. Ereýilshiler Shrı-Lanka bıliginiń resmı túrde otstavkaǵa ketýin talap etýde. Júzdegen demonstrant barıkadalardan ótip, eks-prezıdent Gotabaıa Radjapakstyń rezıdensıasy men keńsesine basa-kóktep kirgen bolatyn.
Sáýir aıynda Shrı-Lanka ekonomıkalyq daǵdarysqa tap boldy. Koronavırýstyq pandemıa saldarynan elge keletin týrıserdiń sany azaıyp, shetel valútasynyń tapshylyǵy ornady. Shrı-Lanka otyndy satyp alý úshin tólem júrgize almaı qaldy. Sondaı-aq qajetti taýarlardy ımporttaý úshin valútasy taýsylǵannan keıin, 51 mıllıard dollarlyq syrtqy qaryz boıynsha defolt jarıalaǵan edi.