193 mekteptiń kúrdeli jóndeý jumystary birinshi qyrkúıekke deıin aıaqtalady.
Bul týraly Oqý-aǵartý mınıstrligi málimdedi. Mınıstrlik barlyq bilim oshaqtarynyń jańa oqý jylyna daıyndyǵyna monıtorıń júrgizgen. 51 mekteptiń kúrdeli jóndeý jumystary jyl sońynda aıaqtalady.
Al 17 oqý ordasyndaǵy jóndeý keler jyldyń basynda bitedi. Olar kelisimshartqa sáıkes jospar boıynsha júzege asyp jatyr. Mamandar tekseristi mamyr aıynan beri júrgizip keledi.
«Jańa oqý jyly qarsańynda barlyq mektepterdiń daıyndyǵy taǵy bir keshendi monıtorıńten ótti. Ákimdikterge oqý jyly bastalǵanǵa deıin qaýipsizdikti qamtamasyz etý boıynsha qajetti sharalardy qabyldaý, oqý prosesin uıymdastyrý jáne oqýshylardy bilim berý uıymdaryna-úılerine tasymaldaýdy uıymdastyrý úshin ýaqytsha bilim alý oryndaryn aıqyndaý týraly usynymdar berildi», - deıdi QR Oqý-aǵartý mınıstrliginiń baspasóz hatshysy Mereke Nurmuhanova.