Bul saýalǵa jaýap retinde Aýyl sharýashylyǵy mınıstri Aıdarbek Saparov Úkimette ótken brıfıńte et baǵasynyń qymbattaýynyń negizgi sebepterin atady, dep habarlaıdy aqshamnews.kz
Mınıstrdiń aıtýynsha, qýańshylyqtyń qazirgi et baǵasyna qatysy joq. 2023 jyly astyq ónimdi, shyǵymdy bolǵanymen, ettiń qymbattaýyna basqa faktorlar áser etken.
Tájikstan men Ózbekstannan etke degen suranys kúrt kóbeıdi. Oǵan qosa, Qazaqstandaǵy deldaldar da jaǵdaıdy paıdalanyp, baǵany ósirdi. Qazir naryqta baǵa birtindep turaqtanyp keledi, - dep túsindirdi mınıstr brıfıńte.
Mınıstrdiń aıtýynsha, et baǵasy 2 700-3 300 teńge aralyǵynda satylyp jatyr. Keıbir et bólikteri 3 500 teńgege deıin jetýi múmkin.
Kóterme baǵa buryn 1 100-1 300 teńge bolǵan, al qazir suranystyń artýyna baılanysty 1 500 teńgege deıin kóterildi, - deıdi ol.
Saparovtyń aıtýynsha, baǵanyń qanshalyqty ósetinin naqty boljaý qıyn. Sebebi saýda ortalyqtary baǵany ózderi belgileıdi. Ol Aýyl sharýashylyǵy mınıstrligi saýda oryndary men shekti baǵany retteýge kúsh salyp jatqanyn atap ótti.
Mınıstrdiń sózinshe, óńirlerde et baǵasy 2 700-2 800 teńge kóleminde ustalyp otyr. Biraq syrtqy naryqtaǵy suranys saqtalsa, baǵanyń odan ári ózgerýi múmkin.