Sýǵa batpaý úshin ne istegen jón?
Elimizde alǵashqy jarty jylda 171 adam sýǵa batyp ketken. Onyń 58-i - balalar. Tótenshe jaǵdaılar mınıstrligi sýǵa túsý kezinde qaýipsizdik erejelerine basa mán berý kerektigin eskertse de, ókinishke qaraı, qaıǵyly jaǵdaıdyń aldyn alý múmkin bolmaı tur, dep habarlaıdy Almaty-akshamy.kz Elinfo_kz-ke silteme jasap.
Osy oraıda sýǵa batyp ketpes úshin mamandar mynandaı keńes beredi:
Ádette adamdar sýǵa batyp jatqanda, qoldaryn joǵaryǵa kóteredi, ol durys emes, sebebi mundaıda basyńyz sýdyń astynda qalyp qoıady;
Aıaq-qolyńyzdy sýdyń astynda toqtaýsyz qozǵaltyńyz, quddy júrip kele jatqandaı. Bul basyńyzdy sý betinde ustaýǵa kómektesedi ári qolyńyzdy tynyqtyryp alýǵa múmkindik bar;
Kómek jetkenshe dál osy qımyldy qaıtalaı berińiz.
Sýda uzaǵyraq qalqyp turý úshin ókpeńizdi aýaǵa toltyryńyz. Ókpeńizde aýa bolmasa, sý túbine ketý qaýpi artady;
Eshqashan jalǵyz júzbeńiz. Tipti kásibı júzgishterdiń ózi aǵysqa tótep bere almaıdy.