Ustalǵandar urlyq pen tonaý jasaǵany úshin úsh ret sotty bolǵan.
Jańa jyl qarsańynda olar Almaty qalasy Medeý aýdanynyń turǵynyna tıesili Toyota Camry 70 kóligin urlap ketken, dep habarlaıdy Almaty-akshamy.kz Polisia.kz-ke silteme jasap.
«Bizdiń bólimshe men arnaıy jasaq qyzmetkerleri Almatyda, sondaı-aq Shyǵys Qazaqstanda arnaıy is-sharany júrgizdi. Rıdder qalasynda negizgi aıyptalýshy – 42 jastaǵy E.esimdi azamat jáne onyń sybaılastarynyń biri ustaldy. Al taǵy eki kúdikti Almatyda qolǵa tústi. Qaskóılerdiń urlanǵan kólikti Óskemende jasyrǵandyǵy anyqtaldy. Bizdiń málimet boıynsha, olar qolaıly sátti kútip, kólikti sol jerde satqysy kelgen. Qylmystyq is QR QK-niń 188-baby 4-bóligi boıynsha tergelip jatyr», – dedi Medeý aýdandyq polısıa basqarmasynyń bastyǵy İlıas Ómirserikov.